សុខ សោម៉ាវត្តី ទម្លាយខ្ទេចគ្មានសល់រឿងពាក់ព័ន្ធជាមួយ លី វ៉ាហេទ
- 2018-02-28 03:30:00
- ចំនួនមតិ 0 | ចំនួនចែករំលែក 0
សុខ សោម៉ាវត្តី ទម្លាយខ្ទេចគ្មានសល់រឿងពាក់ព័ន្ធជាមួយ លី វ៉ាហេទ
ចន្លោះមិនឃើញ
ក្នុងពិធីសម្ពោធភាពយន្តខ្នាតធំរឿង "ក្រមុំចាស់ប៉ះក្មេងស្ទាវ" របស់ផលិតកម្មមហាហង្សនៅ Prime Cineplex ផ្សារទំនើបសុវណ្ណាល្ងាចមិញនេះ អ្នកនាង សុខ សោម៉ាវត្តី ជាតួឯកស្រីក្នុងរឿងបានទម្លាយគ្មានសល់ជុំវិញរឿងរ៉ាវពាក់ព័ន្ធជាមួយ លីវ៉ាហេទ ។
សុខ សោម៉ាវត្តី បាននិយាយថា ទំនាក់ទំនងខ្លួន និង លីវ៉ាហេទ កន្លងមកក្នុងនាមជាមិត្តភ័ក្ដិក្នុងសិល្បៈប៉ុណ្ណោះគ្មានអ្វីលើសពីហ្នឹងនោះទេ។ ហេតុដូច្នេះហើយទើបនាងហ៊ានថតឈុតឆាកស្នេហាស្និទ្ធស្នាលជាមួយតួឯកប្រុសក្នុងរឿង "ក្រមុំចាស់ប៉ះក្មេងស្ទាវ" ដោយមិនខ្លាច វ៉ាហេទ ប្រចណ្ឌសូម្បីតែបន្តិច។
អ្នកមេម៉ាយចាយសម្រស់រូបនេះថា៖"មានរឿងអ្វីដែល វ៉ាហេទ គាត់មកប្រចណ្ឌខ្ញុំនោះ បើពួកយើងទាំងពីគឺជាមិត្តភ័ក្ដិនឹងគ្នាហ្នឹង បើជាគូស្នេហ៍ ឬសង្សារមកប្រចណ្ឌបានត្រូវ ហើយចំពោះរឿងខ្ញុំ និង វ៉ាហេទ ឧស្សាហ៍ទៅណាមកណាជាមួយគ្នា មកពីគាត់ជាមនុស្សល្អ តែងតែធ្វើឲ្យខ្ញុំមានអារម្មណ៍ល្អ និងសប្បាយគ្រប់ពេលនៅក្បែរគាត់"។
ទោះបីជាអ្នកនាង សុខ សោម៉ាវត្តី ព្យាយាមបដិសេធថា ទំនាក់ទំនងខ្លួនជាមួយ លីវ៉ាហេទ ក្នុងនាមជាមិត្តភ័ក្ដិ ដែលរួមការងារជាមួយគ្នាក្ដី ក៏អ្នកសិល្បៈ និងមហាជនមួយចំនួននៅតែគិត និងជឿជាក់ថានាង និងកីឡាករបាល់ទាត់រូបនេះកំពុងតែមានទំនាក់ទំនងស្នេហាយ៉ាងជ្រាលជ្រៅជាមួយគ្នា តែមិនហ៊ានបង្ហាញឲ្យមហាជនបានដឹងជាសាធារណៈ។
ក្នុងពិធីសម្ពោធរឿងខាងលើ លោក អ៊ិន សុភិន អគ្គនាយកផលិតកម្មមហាហង្សបានឲ្យដឹងថា" រឿង "ក្រមុំចាស់ប៉ះក្មេងស្ទាវ" នេះដែរផលិតកម្មមហាហង្សបានចំណាយដើមទុនអស់ ៥ ម៉ឺនដុល្លារក្នុងការផលិត ហើយរឿងមួយនេះគឺជាស្នាដៃកូនខ្មែរពិតមិនបានចំលងពីបរទេសឡើយ។ខ្ញុំសង្ឃឹមថា នឹងទទួលបានការគាំទ្រពីទស្សនិកជន នៅពេលដាក់បញ្ចាំង"។
រឿង"ក្រមុំចាស់ប៉ះក្មេងស្ទាវ" ជាប្រភេទរឿងស្នេហាបែបកាច់កុងរវាងក្រមុំចាស់ និងក្មេងស្ទាវ លាយឡំជាមួយឈុតឆាកកំប្លែង និងអត្ថន័យអប់រំជាច្រើនក្នុងរឿង។
រឿង"ក្រមុំចាស់ប៉ះក្មេងស្ទាវ" នឹងត្រូវដាក់បញ្ចាំងនៅរោងភាពយន្តទំនើបៗនៅរាជធានីភ្នំពេញ និងខេត្តសៀមរាបនៅថ្ងៃទី ១ ខែ មីនា ឆ្នាំ២០១៨ ខាងមុខនេះហើយ។ ចូលរួមសម្ដែងដោយ អ្នកនាង សុខ សោម៉ាវត្តី លោក ខេ ម៉ៅ គីមធីតា អូន ឧស្សាហ៍ និងតារាសម្ដែងប្រុសស្រីជាច្រើនរូបទៀត៕