Spurs ស៊ីក្រុមលីគលំដាប់ទី៣ កន្លះឡូឡើងទៅវគ្គ៨ក្រុមចុងក្រោយ FA Cup
- 2018-03-01 01:39:29
- ចំនួនមតិ 0 | ចំនួនចែករំលែក 0
Spurs ស៊ីក្រុមលីគលំដាប់ទី៣ កន្លះឡូឡើងទៅវគ្គ៨ក្រុមចុងក្រោយ FA Cup
ចន្លោះមិនឃើញ
Tottenham Hotspur បានយកឈ្នះ Rochdale មកពីក្របខ័ណ្ឌ League One (លីគលំដាប់ទី៣) របស់អង់គ្លេសដោយលទ្ធផល ៦-១។
ការប្រកួត FA Cup វគ្គ១៦ក្រុមចុងក្រោយកាលពីជើងមុនក្រុមទាំងពីរបានស្មើគ្នា ២-២ នៅទឹកដីរបស់ Rochdale ធ្វើឲ្យការប្រកួតតម្រូវឲ្យលេងម្ដងទៀតប្ដូរទឹកដី។ យ៉ាងណានៅកីឡដ្ឋាន Wembley ម្ចាស់ផ្ទះលេងមិនប្រណីជើង ដោយយកឈ្នះភ្ញៀវឲ្យតដៃលែងរួច។
៦គ្រាប់របស់ក្រុមរហស្សនាមថា មាន់ខ្នាយមាស ស៊ុតបញ្ចូលទីដោយ Son Heung-min នាទី ២៣, ៦៥ ហើយ Llorente ស៊ុត Hat Trick ៣គ្រាប់ម្នាក់ឯងនៅនាទី ៤៧, ៥៣ និង៥៩ ស្របពេល១គ្រាប់បិទគូទធ្វើបានដោយយុវជនវ័យក្មេង Walker-Peters នាទី៩០+៣។
Rochdale រកបាន១គ្រាប់ដែរដើម្បីលួងចិត្តអ្នកគាំទ្រនៅនាទី ៣១ដោយកីឡាករ Humphrys។ នៅវគ្គ៨ក្រុមចុងក្រោយ Spurs ត្រូវឡើងទៅប៉ះ Swansea City នៅថ្ងៃទី១៧ ខែមិនា៕