មូលហេតុ ៥ យ៉ាង អ្នកញ៉ាំកាហ្វេ ត្រូវប្រើកែវកាហ្វេ Tumbler ស្រុកគេកំពុងល្បី

2018-03-03 03:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ុន្មានឆ្នាំចុងក្រោយនេះ ទម្លាប់ញ៉ាំកាហ្វេរបស់ខ្មែរកើនឡើងយ៉ាងគំហុក ជាពិសេសក្មេងៗសិស្សសាលា និងអ្នកធ្វើការតែម្ដង ខណៈដែលហាងកាហ្វេបើកឡើងព្រោងព្រាតពេញទីក្រុង ធ្លាយដល់តាមខេត្តទៀតឯណោះ។

បើក្រឡេកមកមើលអ្នកញ៉ាំកាហ្វេនៅបរទេសវិញ គេមានទម្លាប់ពិសេសម្យ៉ាងធ្វើឲ្យការញ៉ាំកាហ្វេកាន់តែឆ្ងាញ់ និងកាលីបឡូយខុសពីគេ។ នោះគឺប្រើកែវកាហ្វេខ្លួនឯងផ្ទាល់ ហៅថា Tumbler ដែលធ្វើឡើងពីវត្ថុធាតុដើម ដូចជា កែវ ឬអ៊ីណុក រាល់ពេលទិញកាហ្វេម្ដងៗ។ ការប្រើ Tumbler គឺចំណេញច្រើនមែនទែន បើមិនជឿ សាកអានខាងក្រោមនេះទៅ ដឹងហើយ!

១. រក្សាក្លិន និងរសជាតិនៅឆ្ងាញ់ដដែល

ការប្រើកែវកាហ្វេផ្ទាល់ខ្លួន Tumbler ដាក់កាហ្វេ នឹងធ្វើឲ្យរសជាតិកាហ្វេនៅតែឆ្ងាញ់ដដែល មិនងាយបាត់បង់ក្លិន និងរសជាតិដើមឡើយ។ ដោយសារកែវ Tumbler ធ្វើពីកែវ ឬអ៊ីណុក និងមានគម្របបិទជិតត្រឹមត្រូវ នោះវាមានសមត្ថភាពរក្សាភាពក្ដៅ និងត្រជាក់បានយូរមិនងាយរលាយឡើយ។

២. ចំណេញលុយ

ហាងកាហ្វេជាច្រើនជុំវិញពិភពលោក តែងបញ្ចុះតម្លៃ បើភ្ញៀវប្រើ Tumbler ដាក់កាហ្វេ។ ឯកម្ពុជាវិញក៏ដូចគ្នាដែរ ពោលគឺ ហាងកាហ្វេលំដាប់អន្តរជាតិដ៏ធំមួយនៅភ្នំពេញ Starbucks ក៏មានបញ្ចុះតម្លៃ ០,៣ ដុល្លារក្នុងមួយកែវ រាល់ពេលទិញកាហ្វេ ដោយប្រើកែវ Tumbler។ នេះបើយោងតាមលោក ប៉ោ លីម ប្រធានគ្រប់គ្រងទូទៅរបស់ Starbucks ប្រចាំកម្ពុជា។

បើគិតទៅ អ្នកចូលចិត្ត ឬឧស្សាហ៍ញ៉ាំកាហ្វេរាល់ថ្ងៃ យ៉ាងហោចណាស់ក៏ចំណេញបានជិត ១០ ដុល្លារដែរក្នុងមួយខែៗ បើប្រើកែវ Tumbler រាល់ពេលទិញកាហ្វេ។

៣. រាងស្អាតកាលីបលេចធ្លោខុសពីគេ

បើអ្នកកាន់កែវដាក់កាហ្វេ (Tumbler) មក រាល់ពេលទិញកាហ្វេ អ្នកប្រាកដជាឡូយដាច់គេមិនខាន ព្រោះកែវនោះមានរចនាម៉ូដពិសេសៗដាច់ប្លែកខុសពីគេ ពោលគឺ Unique កប់ស៊េរីតែម្ដង។ ត្រង់នេះ Starbucks មានកែវដាក់កាហ្វេស្អាតៗលេចធ្លោច្រើនជម្រើស ខណៈដែលថ្មីៗនេះ ហាងកាហ្វេល្បីឈ្មោះលើពិភពលោកមួយនេះ ទើបតែបញ្ចេញកែវកាហ្វេថ្មីដែលឌីហ្សាញឡើង Sweet មានរូបផ្កាសាគូរ៉ា ឡើងស្រស់ ហើយអាចទិញជាកាដូឲ្យមនុស្សជាទីស្រឡាញ់ទៀតផង ជាពិសេសស្រីៗ។ កែវរូបផ្កាសាគូរ៉ានេះ ក៏មានលក់នៅតាមសាខា Starbucks ទាំង ៩ កន្លែងទូទាំងកម្ពុជា។ ឯចំនួនមានកំណត់ មកមិនទាន់ ប្រយ័ត្នអត់បានណា៎!

៤. ស្រួលដាក់តាមខ្លួន អត់ភ័យរឿងកំពប់ធ្លាយ

សម្រាប់អ្នកជិះឡានមិនសូវមានបញ្ហារឿងទុកដាក់កែវកាហ្វេឡើយ តែបើអ្នកជិះម៉ូតូប្រាកដជាធ្លាប់ជួបរឿងហៀររឡិករឡាក់តាមផ្លូវ ឬកំពប់ខានផឹកផងក៏មាន។ អ៊ីចឹង បើមានកែវមួយដាក់តាមខ្លួនក៏ល្អ ចង់ដាក់ក្នុងកាបូបក៏បាន ហើយអត់បារម្ភលេចធ្លាយទៀត។

កាន់តែពិសេស គឺបើអ្នកកាន់ Tumbler មកទិញកាហ្វេនៅ Starbucks កម្ពុជាវិញ អ្នកអាចឲ្យបុគ្គលិកជួយលាងសម្អាតកែវ Tumbler នោះទាំងមុនពេលដាក់កាហ្វេ និងក្រោយពេលញ៉ាំកាហ្វេរួច ដោយឥតគិតថ្លៃទៀតហ្ន៎!

៥. ប្រើបានយូរ

មិនត្រឹមតែស្អាត និងស្ទីលប្លែកខុសពីគេ ដែលគ្រប់គ្នាអាចលួចសរសើរពីអ្នករាល់ពេលប្រើ Tumbler ប៉ុណ្ណោះនោះទេ អ្នកប្រើថែមទាំងអាចប្រើកែវប្រភេទនេះបានយូររាប់ខែទៀតហ្ន៎ បើសិនចេះថែរក្សាបានត្រឹមត្រូវ។ ចំណុចសំខាន់មួយទៀត គឺជួយថែរក្សាបរិស្ថាន។

ចុះអ្នកវិញ មានស្ទីលញ៉ាំកាហ្វេផ្ទាល់ខ្លួននៅ? បើនៅទេ សាករកមើលកែវកាហ្វេស្អាតៗតាមរដូវកាលនៅ Starbucks កម្ពុជាឥឡូវនេះ ជាពិសេសសម្រាប់អ្នកចូលចិត្តម៉ូដឌីហ្សាញមានរូបផ្កាសាគូរ៉ារបស់ជប៉ុន!