“ខ្ញុំមានមហិច្ឆតាដូចគេដែរហ្នឹង ប៉ុន្តែខ្ញុំគ្មានលុយទិញកីឡាករល្អ” Conte

2018-03-03 02:04:01
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Antonio Conte អ្នកចាត់ការក្រុម Chelsea បង្ហើបថាខ្លួនក៏មានមហិច្ឆតាចង់បានកីឡាករល្អៗ ល្បីៗដូចអ្នកចាត់ការក្រុមដទៃដែរ ប៉ុន្តែក្លឹបមិនមានខ្ទង់ចំណាយគ្រប់គ្រាន់ដើម្បីនាំយកពួកគេ។

ក្រុមតោខៀវនឹងត្រូវតតាំងក្រុមកំពូលតារាង Manchester City នៅថ្ងៃអាទិត្យនេះ ដើម្បីស្វែងរកពិន្ទុបន្ថែមហក់ចូលតំបន់ Top4 វិញ។ មុនឈានចូលដល់ការប្រកួតនេះដែរ លោក Conte អ្នកចាត់ការក្រុម Chelsea យល់ឃើញថាក្លឹបនៅមានកម្រិតក្នុងការចាយវាយ ដូច្នេះវាពិតជាពិបាកក្នុងការប្រជែងជាមួយក្រុមអ្នកមានផ្សេងៗ ដែល១ឆ្នាំៗចំណាយរាប់លានដុល្លារ។

“Man City អាចចំណាយប្រាក់ច្រើនបាន ខណៈដែលយើងវិញមិនអាចនោះទេ។ អ្នកចាត់ការល្អ និងការចំណាយប្រាក់ច្រើនក្នុងការទិញដូរកីឡាករ គឺវាជាស្ថានភាពពីរផ្សេងគ្នា។ ខ្ញុំមានមហិច្ឆតាអស្ចារ្យ ប៉ុន្តែខ្ញុំមិនមានលុយសម្រាប់ចំណាយ... រឿងនេះក្លឹបបានដឹងច្បាស់ណាស់”។សម្ដីអ្នកចាត់ការសញ្ជាតិអ៊ីតាលី៕

ប្រភព៖ BBC ប្រែសម្រួល៖ មុន្នីរម្យ