Lexus UX ឆ្នាំ ២០១៩ បង្ហាញខ្លួនជាផ្លូវការ

2018-03-07 04:13:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីបានបង្ហាញចេញ Lexus RX កៅអីបីជួរ និង Lexus LX កៅអី ២ ជួរកាលពីចុងឆ្នាំ ២០១៧ រួចមក ក្រុមហ៊ុនមួយនេះបានបន្តបង្ហាញចេញរថយន្តម៉ូដែលថ្មី UX ដែលប្រែកាយចេញពីប្រភេទ Concept បង្ហាញខ្លួនកាលឆ្នាំ ២០១៦។

Lexus UX មានរចនាផ្នែកខាងមុខដោយប្រើនូវចម្រឹងដែកធំ ដែលជាអត្តសញ្ញាណមួយរបស់ម៉ាក Lexus។ រចនាបថរបស់ UX ឆ្នាំ ២០១៩ ក៏មានភាពខុសគ្នានឹងប្រភេទ Concept ដែលមានរូបរាងស្រួចៗទាំងខាងមុខ និងខាងក្រោយ។

UX ជារថយន្តដែលស្ថិតនៅក្រោមម៉ូដែល NX និង RX ដោយវាមានប្រវែងសរុប ៤,៤៩ ម៉ែត្រ ធៀបនឹង NX មានប្រវែង ៤,៦៤ ម៉ែត្រ។ មេផ្នែកវិស្វករប្រចាំក្រុមហ៊ុន Lexus និយាយថាម៉ូដែល UX នេះអាចនឹងទាក់ទាញអតិថិជនវ័យខ្ទង់ ៣០ ឆ្នាំ ដែលទិញសម្រាប់បើកបរក្នុងក្រុង។

ម៉ូដែល UX 200 មានបំពាក់ម៉ាស៊ីនចំណុះ ២,០ លីត្រ ស៊ីឡាំងប្រភេទ Inline ចំនួន ៤ និងមានកម្លាំង ១៦៨ សេះ។ ចំពោះ UX 250h ដែលជាប្រភេទម៉ាស៊ីន Hybrid មានម៉ាស៊ីនចំណុះ ២,០ លីត្រដូចគ្នា បូករួមនឹងម៉ូទ័រអគ្គិសនីមួយ មានកម្លាំងសរុប ១៧៦ សេះ។ អតិថិជនក៏មានជម្រើសបន្ថែម F Sport លើប្រភេទម៉ាស៊ីនទាំងពីរផងដែរ។

ផ្នែកខាងក្នុងមានពណ៌ចំនួន ៤ ជម្រើសដែលអតិថិជនអាចជ្រើសយក ហើយនៅខាងក្នុងនេះក៏មានប្រព័ន្ធទំនើបៗជាច្រើន ដូចជាអេក្រង់បង្ហាញព័ត៌មាន និង Head-Up Display ជាដើម។ បន្ថែមពីនេះក៏មានបំពាក់នូវមុខងារសុវត្ថិភាពដូចជា Adaptive Cruise Control, Adaptive High Beam. Road Sign Assist និង Pre-Colliosion System ជាដើម។