មុនទៅទិញ Smartwatch ប្រើ Sabay ប្រាប់គន្លឹះទិញឲ្យត្រូវចិត្ត

2018-03-09 02:02:36
ចំនួនមតិ 0 | ចំនួនចែករំលែក 0

ចន្លោះមិនឃើញ

Apple, Samsung និងក្រុមហ៊ុនបច្ចេកវិទ្យាជាច្រើនទៀត កំពុងងាកមកចាប់អារម្មណ៍លើ Smartwatch ក្នុងការផ្តល់ដំណឹង កម្មវិធី និងមុខងារមួយចំនួនទៀតបានឆាប់រហ័ស លើករដៃរបស់អ្នក។

Smartwatch ជាច្រើនបានបំពាក់មុខងារ Fitness ដូចជាតាមដានចង្វាក់បេះដូងជាដើម។ Apple និង Samsung ធ្វើទីផ្សារ Smartwatch ខ្លួនជាឧបករណ៍ផ្តោតសំខាន់លើសុខភាព ជៀសជាងជំនួសតំណែង ស្មាតហ្វូន។

ការរចនា និងមុខងារផ្សេងៗលើ Smartwatch ផ្តល់អត្ថប្រយោជន៍គួរសមដែរ បើអ្នកអាចប្រើ ឲ្យអស់ពីលទ្ធភាពរបស់ឧបករណ៍មួយនេះ។

គន្លឹះសង្ខេបខ្លីៗ

កុំទិញ Smartwatch ដែលមិនប្រាកដថាអាចដំណើរការជាមួយស្មាតហ្វូនអ្នក។ ឧទាហរណ៍ Apple Watch ប្រើបានតែជាមួយ iPhone ខណៈ នាឡិការបស់ Samsung អាចដំណើរការបានទាំងលើ ទូរសព្ទប្រើ Android និង iPhone តែមានមុខងារមួយចំនួន អាចប្រើបានតែជាមួយទូរសព្ទ Samsung។
ជ្រើសរើសនាឡិកាមាន Sensor តាមដានចង្វាក់បេះដូង និង GPS។
ប្រាកដថា នាឡិកាងាយស្រួលប្តូរខ្សែ។
ផ្ដោតលើការរចនា និងមុខងារបន្ថែមលើនាឡិកា។

ប្រព័ន្ធប្រតិបត្តិការ (OS) និង Device ប្រើជាមួយបាន

Smartwatch ភាគច្រើន ត្រូវបានរចនា ជាដៃគូនឹងស្មាតហ្វូន ដូច្នេះអ្នកគួរដឹងពី Device ដែលអាចប្រើជាមួយ។

ឧទាហរណ៍ Gear S3 និង Gear Sport របស់ Samsung អាចដំណើរការជាមួយ Android device ជាច្រើន ហើយក៏អាចប្រើជាមួយ iPhone ផងដែរ។ ប៉ុន្តែ វាកាន់តែមានភាពងាយស្រួល ពេលប្រើ Smartwatch ទាំងនេះជាមួយ Samsung។

ប្រព័ន្ធប្រតិបត្តិការ Smartwatch ឈ្មោះ Android Wear របស់ Google ដំណើរការលើនាឡិកាជាច្រើនមាន LG, Huawei និងក្រុមហ៊ុនដទៃទៀត ហើយដំណើរការជាមួយស្មាតហ្វូនប្រើ Android 4.3 ឬខ្ពស់ជាងនេះ។

នាឡិកាប្រើ Android Wear មួយចំនួនអាចប្រើជាមួយ iPhone គ្រាន់តែមុខងារជាច្រើន មិនទាន់ប្រើបានពេញលេញនៅឡើយទេ ពេលភ្ជាប់ទៅកាន់ iOS device។

Apple Watch អាចដំណើរការបានតែជាមួយ iPhone ប៉ុណ្ណោះ។ កម្មវិធី Apple Watch មានស្រាប់លើ iPhone អាចឲ្យអ្នកស្វែងរកកម្មវិធីនានា ពីក្នុង App store របស់ watchOS។

ចំណាំ៖ កុំទិញ Smartwatch លុះត្រាអ្នកដឹងថា វាអាចដំណើរការជាមួយស្មាតហ្វូនអ្នក។

ប្រភេទ Display

Smartwatch ស្ទើរតែទាំងអស់ ប្រើអេក្រង់ LCD ឬ AMOLED Display ដែលបង្ហាញពណ៌ភ្លឺច្បាស់ល្អ តែក៏ស៊ីថាមពលថ្មច្រើនគួរសមដែរ។ ដូច្នេះទើប នាឡិកាជាច្រើនបិទអេក្រង់ ខណៈពេលមិនដំណើរការ មានន័យថា អ្នកមិនអាចមើលម៉ោងបានទេ ដោយមិនដាស់ Device។

អេក្រង់ LCD មានកម្រាស់ក្រាស់ជាង OLED ដែលជាហេតុផល Apple បង្កើត Apple Watch ជំនាន់ដំបូងរបស់ខ្លួន ដោយប្រើ OLED។ Samsung ក៏បានបង្កើត Smartwatch ប្រើអេក្រង់ OLED ផងដែរ លើ Galaxy Gear ក្នុងឆ្នាំ ២០១៣។

រូបរាង

លើអេក្រង់តូចបែបនេះ រៀងពិបាកបន្តិច ពេល Touch លើចំនុចមួយៗ។ Android Wear ផ្តល់ផ្ទាំង Notification ជ្រុងៗពេញអេក្រង់ ដោយមិនបាច់ ចុចអូស។ ប៉ុន្តែនៅតែ ចុចអូសលើ ជម្រើសផ្សេងៗក្នុងកម្មវិធី។

Apple Watch អាច Touch និងមានប៊ូតុងនៅខាងស្តាំជំនួយក្នុងការប្រើប្រាស់។ អ្នកអាចពង្រីក ឬអូសចុះក្រោម ឡើងលើ ហើយលើអេក្រង់អាចប្រើ Force Touch ដែលអាចសម្គាល់ពេលចុច និងចុចជាប់។ ពេលអ្នកចុចប៊ូតុងនៅខាងស្តាំ អ្នកនឹងឃើញផ្ទាំងបង្ហាញកម្មវិធីធ្លាប់បានប្រើប្រាស់។

Samsung Gear S3 Frontier និង Samsung Gear Sport មានកងរង្វង់ជុំវិញអេក្រង់ អាចបង្វិលក្នុងការអូស រក Menu បាន ដោយប្រើបន្សំជាមួយ Touch។

កម្មវិធី

Apple Watch មានកម្មវិធីច្រើនជាង ២០ ០០០ រួមទាំង ESPN, Uber ផងដែរ។ ក្នុងកម្មវិធី Apple Watch សម្រាប់ iOS មាននូវ Apple Watch App Store ដាច់ដោយឡែក ក្នុងការដំឡើងកម្មវិធីទាំងនេះ។

Android Wear មានកម្មវិធីរាប់ពាន់ ហើយអ្នកអាចដំឡើងកម្មវិធីផ្ទាល់ចេញពីនាឡិកា ជៀសជាងរត់រកស្មាតហ្វូនសិន។

Tizen OS របស់ Samsung លើ Gear S3 និង Gear Sport មានកម្មវិធីច្រើនជាង ១៤០០។

មុខងារតាមដានចង្វាក់បេះដូង និង GPS

Device ប្រើ Android Wear ភាគច្រើន អាចត្រួតពិនិត្យ និងតាមដានចង្វាក់បេះដូងបាន ប៉ុន្តែមិនសូវមានភាពត្រឹមត្រូវ ពេលប្រើដាច់ដោយឡែក ដូចជា Fitbit Charge 2។ តែ Sensor តាមដានចង្វាក់បេះដូងរបស់ Apple Watch បង្ហាញមកមានភាពត្រឹមត្រូវជាង។

Apple Watch 3, Samsung Gear S3 និង Gear Sport មានបំពាក់ GPS ដែលអាចប្រើតាមដានចម្ងាយធ្វើដំណើរ ដោយមធ្យោបាយផ្សេងៗ។ មុខងារនេះ ក៏ស៊ីថាមពលថ្មច្រើនគួរសមដែរ។

ថាមពលថ្ម

Smartwatch ភាគច្រើនអាចប្រើបាន ១ថ្ងៃ ទៅ២ថ្ងៃ ពេលសាកមួយដង។ នាឡិកាអាចប្រើសំឡេង មិនអាចប្រើបានយូរនោះទេ ពេលអ្នកប្រើដូចនឹងទូរសព្ទ។ Apple Watch អាចប្រើបាន ១៨ ម៉ោងដែរ។