Audi ច្នៃរថយន្តគំរូមួយកប់ស៊េរី បើកបានទាំងលើដី និងលើមេឃ

2018-03-08 09:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Audi បានដាក់តាំងបង្ហាញរថយន្តនាថ្ងៃអនាគតមួយម៉ូឌែលនៅក្នុងពិពរណ៍ Geneva Motor Show នៅក្នុងពិព័រណ៍រថយន្តនៅក្រុងហ្សេណែវ ប្រទេសស្វីសដែលជាប្រភេទរថយន្តបើកបរដោយខ្លួនឯង ដែលមានសមត្ថភាពអាចប្រើបានគ្រប់ទីកន្លែងមិនថាតាមជើងគោក និងជើងអាកាស។

រថយន្តគំរូ Pop.Up Next ពីដំបូងគឺចេញដោយក្រុមហ៊ុន Airbus ហើយក្រុមហ៊ុនរថយន្តអាល្លឺម៉ង់ Audi ឥឡូវនេះបានបង្ហាញឱ្យឃើញហើយនូវគំរូរថយន្តចេះហោះដោយស្វ័យប្រវត្តិដើរដោយអគ្គិសនីទាំងស្រុងនេះ។

រថយន្តចេញហោះនេះ Audi សហការជាមួយក្រុមហ៊ុនដឹកជញ្ជូន Airbus ដែលអាចភ្ជាប់គ្នាបាននៅពេលស្ទះចរាចរណ៍ ដើម្បីឲ្យវាអាចហោះបាននិងដឹកភ្ញៀវដល់ទីកន្លែងដោយសុវត្ថិភាព។

ក្រុមហ៊ុន Audi បាននិយាយថា រថយន្តគំរូនេះអាចក្លាយជាស្តង់ដារឧស្សាហកម្មសម្រាប់រថយន្តតាក់ស៊ីហោះនាពេលអនាគត ដែលក្រុមហ៊ុននេះជឿថា អាចក្លាយជាការពិតនៅពេលណាមួយរវាងឆ្នាំ ២០២៤ និង ២០២៧៕