អ្នកប្រើ Speaker ឆ្លាតវៃកំពុងដេកភ័យ នៅសុខៗបញ្ចេញសំឡេងសើចគួរឲ្យស្រៀវ

2018-03-09 03:54:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះអ្នកប្រើប្រាស់ឧបករណ៍បំពងសំឡេងវៃឆ្លាត Amazon Echo និង Echo Dot បានរាយការណ៍អំពីរឿងរ៉ាវគួរឲ្យព្រឺ ដោយសុខៗឧបករណ៍នេះបញ្ចេញសំឡេងសើច ទាំងដែលម្ចាស់មិនបានបញ្ជាផងនោះ។

អ្នកប្រើម្នាក់បានឲ្យដឹងថាគេព្យាយាមប្រើ Alexa (ជំនួយការឆ្លាតវៃក្នុងឧបករណ៍) ឲ្យបិទភ្លើងក្នុងផ្ទះរបស់ខ្លួន ប៉ុន្តែ Alexa បែរជាចេះតែបើកភ្លើងឡើងវិញ ហើយថែមទាំងបញ្ចេញសំឡេងសើចគួរឲ្យខ្លាចទៀតផង។ អ្នកប្រើប្រាស់ម្នាក់ទៀតនិយាយថា គេបានបញ្ជា Alexa បិទសំឡេងរោទ៍នៅពេលព្រឹក ហើយបានឆ្លើយតបដោយសំឡេងសើចគួរឲ្យខ្លាច។

Alexa ត្រូវបានគេសរសេរកូដឡើងដោយអាចបញ្ចេញសំឡេងបានច្រើនប្រភេទ ដែលអាចដំណើរការបានតាមរយៈការសួរសំនួរថា "Alexa, how do you laugh?”។ ប៉ុន្តែមកទល់ពេលនេះ គេមិនទាន់ច្បាស់ថាហេតុអ្វីបានជា Alexa សើច ទាំងដែលអ្នកប្រើប្រាស់មិនបានបញ្ជាឲ្យសើចផងនោះ។

វីដេអូដែលបង្ហាញថាសុខ Alexa ស្រាប់តែសើច ៖

So Alexa decided to laugh randomly while I was in the kitchen. Freaked @SnootyJuicer and I out. I thought a kid was laughing behind me. pic.twitter.com/6dblzkiQHp
— CaptHandlebar (@CaptHandlebar) February 23, 2018

មកទល់ពេលនេះមានអ្នកប្រើប្រាស់មិនតិចទេដែលបង្ហាញភាពភ័យព្រួយជាមួយនឹងឧបករណ៍បំពងសំឡេងវៃឆ្លាតរបស់ខ្លួន។ ខាងក្រុមហ៊ុន Amazon ក៏មិនទាន់បានឆ្លើយតបនឹងបញ្ហានៅឡើយទេ៕

ប្រភព៖ Dailymail ប្រែសម្រួល៖ សុខហេង