ឡានអាចហោះលើមេឃ ២ គ្រឿង បានបង្ហាញរូបរាងពិត

2018-03-10 09:05:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងសប្ដាហ៍នេះ ក្រុមហ៊ុនចំនួន២ បានធ្វើការបង្ហាញនូវរថយន្តរៀងៗខ្លួន ដែលអាចបើកទាំងលើគោក និងលើមេឃ នៅក្នុងពិព័រណ៍យានយន្ត Geneva Motor Show នៅទីក្រុងហ្ស៊ឺណេវ ប្រទេសស្វីស។

រថយន្ត Pal-V Liberty

ក្រុមហ៊ុន Pal-V ដែលមានទីស្នាក់ការនៅប្រទេសហុល្លង់ បានបង្ហាញរថយន្ត Personal Air and Land Vehicle (Pal-V) Liberty ដែលអាចធ្វើដំណើរបាន ១៨០គីឡូម៉ែត្រក្នុងមួយម៉ោង នៅលើគោក និងលើមេឃ។ រថយន្តកូនកាត់នេះ មានកង់៣ និងអាចផ្ទុកមនុស្សបាន ២នាក់។ វាត្រូវការរត់លើចម្ងាយផ្លូវ ១៦៥ម៉ែត្រ ដើម្បីហោះផុតពីដី។

ក្រោយការធ្វើតេស្តសាកល្បងទាំងនៅលើគោក និងលើមេឃដោយជោគជ័យ ក្រុមហ៊ុន Pal-V នឹងចាប់ផ្ដើមដាក់នៅក្នុងឆ្នាំ២០១៩ ក្នុងតម្លៃប្រមាណជា ៦០ម៉ឺនដុល្លារ (តម្លៃបរទេស)។

ចំណែក ក្រុមហ៊ុន Audi ក៏បានធ្វើការបង្ហាញនូវរថយន្តហោះរបស់ខ្លួនផងដែរ គឺរថយន្តគំរូ Pop.Up Next ដែលសហការផលិតជាមួយក្រុមហ៊ុន Airbus ។ រថយន្តនេះដំណើរការដោយអគ្គិសនីទាំងស្រុង មិនប្រើប្រាស់ប្រេងឥន្ធនៈឡើយ។ ក្រុមហ៊ុន Audi បាននិយាយថា រថយន្តគំរូនេះអាចក្លាយជាស្តង់ដារឧស្សាហកម្មសម្រាប់រថយន្តតាក់ស៊ីហោះនាពេលអនាគត ដែលក្រុមហ៊ុននេះជឿថា អាចក្លាយជាការពិតនៅពេលណាមួយរវាងឆ្នាំ ២០២៤ និង ២០២៧៕

រថយន្ត Pal-V Liberty