ប្រហែល ១៥នាទីមុននេះ ពែកមីជួបគ្រោះថ្នាក់ចរាចរណ៍នៅខេត្តកំពត

2014-11-13 01:58:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រភពនៅកន្លែងកើតហេតុសុំមិនបង្ហាញអត្តសញ្ញាណ បានឲ្យដឹងភ្លាមៗថា រថយន្តរបស់តារាកំប្លែង ពែកមី មុននេះប្រហែល ១៥ នាទី បានជួបគ្រោះថ្នាក់ចរាចរណ៍នៅស្រុកដងទង់ ខេត្តកំពត។

ប្រភពដដែលបានរាយការណ៍ទៀតថា បន្ទាប់ពីខ្លួនបានសាកសួរព័ត៌មានទើបដឹងច្បាស់ថា ហេតុការណ៍គ្រោះថ្នាក់នេះ មានមនុស្សបួននាក់ រួមមានតៃកុងរថយន្ត នាយ ពែកមី, នាយ ពែកមី អមដំណើរដោយតារាសម្ដែងស្រី ២ រូបផ្សេងទៀត មាន ហេង ស្រីពេជ្រ និង ឡុង ម៉ារី។

ប្រភពបន្តឲ្យដឹងថា គ្រោះថ្នាក់ខាងលើនេះ កើតចេញពី ការបុកគោដើរឆ្លងផ្លូវ នៅស្រុក ដងទង់ ខេត្តកំពត។ ប្រភពដដែលបានបញ្ជាក់ដែរថា រថយន្ដរបស់ នាយ ពែក មី ម៉ាក Lexus 470 ដែលបើកពីខេត្តកំពតសំដៅមកកាន់ភ្នំពេញ។

ព័ត៌មានចុងក្រោយដែល Sabay ទើបទទួលបានពី នាយ ពែកមី ដោយនាយ បានឆ្លើយប្រាប់គេហទំព័រ Sabay តាមរយៈទូរសព្ទ នៅប៉ុន្មាននាទីមុននេះថា នាយមិនមែនជាអ្នកគ្រោះថ្នាក់ចរាចរណ៍នោះទេ ប៉ុន្ដែ នាយបាននៅកន្លែងហេតុការណ៍មែន ព្រោះនាយបានចតឡាន និង ឈប់មើលហេតុការណ៍ប៉ុណ្ណោះ។ "អូហ៎! អត់ទេបង តាមពិតខ្ញុំនៅកន្លែងហ្នឹង គឺខ្ញុំគ្រាន់តែឈរមើលគេប៉ុណ្ណោះ"៕