មេ Tesla យល់ថាទៅរស់នៅភពអង្គារ ជួយមនុស្សលោកឲ្យផុតពីសង្គ្រាមលោកទី ៣
- 2018-03-12 07:05:08
- ចំនួនមតិ 0 | ចំនួនចែករំលែក 0
មេ Tesla យល់ថាទៅរស់នៅភពអង្គារ ជួយមនុស្សលោកឲ្យផុតពីសង្គ្រាមលោកទី ៣
ចន្លោះមិនឃើញ
នៅក្នុងកម្មវិធី SXSW ដែលប្រារព្ធឡើងកាលពីម្សិលមិញនេះ លោក Elon Musk បានពិភាក្សាអំពីជីវិតមនុស្សលោកអាចនឹងត្រូវផុតពូជនៅថ្ងៃអនាគត ដោយសារសារធាតុកាបូននៅក្នុងបរិយាកាស, សង្គ្រាមលោកលើកទី ៣ និង AI ដែលឆ្លាតវៃជាងមនុស្ស។
ស្ថាបនិកក្រុមហ៊ុន Tesla រូបនេះក៏បានលើកឡើងពីគំនិតរបស់ខ្លួនថា ពិតជាត្រូវការចាំបាច់នូវការតាំងទីលំនៅលើភពអង្គារ ឬ ប្រហែលជាព្រះចន្ទ ដែលអាចជាសំណាញ់សុវត្ថិភាពមួយសម្រាប់មនុស្សជាតិ។ លោក Musk បានសង្កត់ធ្ងន់ថា ៖ "ទំនងជានឹងមានយុគសម័យងងឹត (Dark Age) ម្ដងទៀត...នេះប្រសិនបើកើតមានសង្គ្រាមលោកលើកទី ៣”។
ស្ថាបនិកវ័យ ៤៦ ឆ្នាំរូបនេះបន្ថែមថាភូមិឋាននៅលើភពអង្គារអាចនឹងជួយឲ្យមនុស្សនៅឆ្ងាយពីសង្គ្រាម និង ជួយឲ្យវប្បធម៌មនុស្សជាតិបន្តដំណើរទៅមុខ។ លោកជឿថាវិធីល្អបំផុតដែលជួយពន្លឿនយុគសម័យងងឹត គឺតាមរយៈការមានមនុស្សនៅភពផ្សេង ត្រឡប់មកផែនដី និងកសាងផែនដីឡើងវិញ។
ម្ចាស់ក្រុមហ៊ុន SpaceX ក៏បានឲ្យដឹងដែរថាយានអវកាសដែលក្រុមហ៊ុនរបស់លោកផលិតសម្រាប់ដំណើរហោះទៅភពអង្គារ អាចនឹងធ្វើការហោះសាកល្បងលឿនបំផុតនៅត្រឹមដើមឆ្នាំ ២០១៩៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
