ធ្ងន់! Man Utd មានបញ្ហាកីឡាករដល់ ៧នាក់ក្នុងជើងទីពីរ

2018-03-13 03:24:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបិសាចក្រហម Manchester United កំពុងជួបវិបត្តិកីឡាកររបួសដល់៧នាក់ ក្នុងការប្រកួតជាមួយក្រុម Sevilla នៅជើងទីពីរ Champions Leagueរាត្រីនេះម៉ោង ២:៤៥នាទី។

កាលពីជើងទីមួយក្រុមទាំងពីរបញ្ចប់ត្រឹមលទ្ធផល ០ទល់នឹង០ នាប្រទេសអេស្ប៉ាញ ខណៈពេលនោះ Man Utd របួសកីឡាករតែ៤នាក់ប៉ុណ្ណោះ។ តែគេចាំបានថា ក្នុងការប្រកួតនោះ Sevilla មានឱកាសកៀបសង្កត់ខាងបិសាចក្រហមខ្លាំង ជាពិសេសទាត់ចំទីដល់១១ជើង។ Ander Herrera ត្រូវបានប្ដូរចេញនាទី១៧ ក្រោយរងរបួស។

សម្រាប់ជើងទីពីរលោក José Mourinho រៀងល្វីងមុខបន្តិច ដោយបញ្ហារបួសរបស់កីឡាករកាន់តែច្រើនឡើង ត្បិតប្រកួតក្រោយៗឈ្នះជាប់ៗគ្នាជាមួយ Chelsea និង Liverpool ក្ដី។ យោងតាមវិបសាយរបស់ UEFA បានបញ្ចេញកីឡាកររបួស Man Utd មិនអាចលេងបានមាន៤រូប៖ Phil Jones, Ander Herrera, Daley Blind និង Marcos Rojo។ ចំណែក៣នាក់ផ្សេងទៀតមានសង្ឃឹមត្រឹម ៥០/៥០ អាចលេងបានមាន Paul Pogba, Anthony Martial និង Zlatan Ibrahimović។

Paul Pogba និង Anthony Martial ក៏បានបង្ហាញខ្លួនកាលពីជើងទី១ដែរ ក្នុងនាមជាកីឡាករបម្រុង។ ងាកទៅមើលក្រុមភ្ញៀវ Sevillaរបួសកីឡាករតែ២នាក់គត់គឺ Sébastien Corchia និង Jesús Navas៕

ប្រភព៖ UEFA ប្រែសម្រួល៖ ហេង សុធារិទ្ធិ