អ្នកវិទ្យាសាស្ត្ររុស្ស៊ីអះអាងថា សាកសពម៉ាំមីរកឃើញគឺជាមនុស្សក្រៅភព

2018-03-13 08:41:45
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកវិទ្យាសាស្ត្ររុស្ស៊ីអះអាងថា សាកសពម៉ាំមីម្រាមដៃបី ជាមួយលលាដ៍ក្បាលវែងនៅប៉េរូ គឺជាមនុស្សក្រៅភព។

អ្នកជំនាញជនជាតិរុស្ស៊ីម្នាក់បានធ្វើតេស្ត DNA ដើម្បីបញ្ជាក់ថាសាកសពម៉ាំមីនេះមិនមែនជាមនុស្សទេ។

លោកបណ្ឌិត កុនស្តានទីន កូរ៉ូតកូវ (Konstantin Korotkov) សាស្ត្រាចារ្យផ្នែកវិទ្យាសាស្ត្រកុំព្យូទ័រនិងជីវសាស្ត្រនៅសាកលវិទ្យាល័យសេនភីតធឺស្បឺកជឿថា សាកសពម៉ាំមីនេះ គឺជា “មនុស្សក្រៅភព”។

លោកបណ្ឌិត កូរ៉ូតកូវ មិនដែលខ្វះទេរឿងចម្រូងចម្រាស់។ ធ្លាប់ត្រូវបានគេរិះគន់កាលពីឆ្នាំ ២០០៨ នៅពេលលោកអះអាងថាបានបង្កើតកាមេរ៉ាមួយ អាចថតព្រលឹងមនុស្ស។

សាកសពម៉ាំមីមួយឈ្មោះថា ម៉ារីយ៉ា ត្រូវបានរកឃើញដោយក្រុមមួយ ដឹកនាំដោយអ្នកកាសែតម៉ិកស៊ិក លោក ជេមី មូសសាន (Jamie Maussan) កាលពីដើមឆ្នាំ ២០១៧។

លោកបណ្ឌិតរូបនេះអះអាងថា បានធ្វើតេស្ត DNA រកឃើញថា សាកសពម៉ាំមីនេះគឺជាមនុស្សក្រៅភព ដោយផ្អែកលើតេស្តហ្សែនជាច្រើនលើជាលិកាយកបានពីសាកសពនេះ និងសាកសពម៉ាំមីមួយទៀតរកឃើញក្បែរគ្នា មានឈ្មោះថា វ៉ាវីតា។

លោកនិយាយថា សាកសពម៉ាំមីទាំងពីរនេះមានអាយុកាលតាំងពីសតវត្សរ៍ទី ៥ និងអាចជាមនុស្សក្រៅភព។ ប៉ុន្តែអ្នកជំនាញខាងមនុស្សក្រៅភពជនជាតិអង់គ្លេស លោក នីគែល វ៉ាតសុន អ្នកនិពន្ធសៀវភៅ UFO Investigations Manual និយាយថា ការរកឃើញរបស់លោកបណ្ឌិតទំនងជាការបោកប្រាស់តែប៉ុណ្ណោះ៕

ប្រភព៖ rasmeinews