កន្លែងផ្ដើមស្នេហ៍របស់កំពូលតារាថៃទាំង៥ ប្រិយមិត្តធ្លាប់ដឹងទេ?
- 2018-03-13 12:24:34
- ចំនួនមតិ 0 | ចំនួនចែករំលែក 0
កន្លែងផ្ដើមស្នេហ៍របស់កំពូលតារាថៃទាំង៥ ប្រិយមិត្តធ្លាប់ដឹងទេ?
ចន្លោះមិនឃើញ
ធ្លាប់តែដឹងថា គូតារាថៃទាំង៥គូនេះ បានសេពគប់គ្នា និងបានរៀបអាពាហ៍ពិពាហ៍នឹងគ្នា តែពុំសូវមានអ្នកដឹងពីចំណុចផ្ដើមស្នេហ៍របស់តារាទាំងនេះឡើយ។ ដូច្នេះតោះ! តាមដានទាំងអស់គ្នាពីចំណុចផ្ដើមស្នេហ៍តារាកំពូលតារាថៃទាំង៥គូខាងក្រោមនេះ ទាំងអស់គ្នា!
១. គូស្នេហ៍តារា Aom Phiyada និង Art
តារាមួយគូនេះ បានស្គាល់គ្នាតាំងតែពីពេលអ្នកទាំងពីររៀននៅវិទ្យាល័យជាមួយគ្នាមកម្ល៉េះ។ ហើយអ្នកទាំងពីរចាប់ផ្ដើមស្រលាញ់គ្នា បន្ទាប់ពី Aom Phiyada និង Art បានជួបគ្នានៅផ្ទះរបស់តារាសម្ដែង Phoori Hiranyapru ។
២. គូស្នេហ៍តារាសម្ដែង Nune Woranuch និង Todd Piti
តារាមួយគូនេះ បានស្គាល់គ្នាដោយសារការណែនាំរបស់ពិធីករ Do Sanya ព្រោះ Nune Woranuch និង Todd Piti កាលនោះសុទ្ធតែនៅលីវដូចគ្នា។
៣. គូស្នេហ៍តារាសម្ដែង Bie KPN និង Gubgib Sumonthip
តារាមួយគូនេះផ្ដើមសេពគប់គ្នានៅពេលតារា Bie KPN ចូលរួមកម្មវិធីមួយ ដែល Gubgib Sumonthip ធ្វើពិធីករ។ ហើយតារាប្រុសរូបនេះ បានសារភាពថា Gubgib Sumonthip គឺជាប្រភេទមនុស្សដែលលោកប៉ងស្រលាញ់។
៤. គូស្នេហ៍តារាសម្ដែង Margie Rasri និង Pok Passakorn
តាមពិត គ្រួសារ Margie Rasri និង Pok Passakorn បានស្គាល់គ្នាយូរហើយ។ តែតារាមួយគូនេះ ទើបតែចាប់ផ្ដើមសេពគប់គ្នានៅពេលភាគីខាងប្រុស Pok សុំ Margie ទៅឲ្យជួយធ្វើគំរោងជាមួយលោក។
៥. គូស្នេហ៍តារាសម្ដែង Kob Suvanant និង Brook Danupohn
តារាមួយគូនេះចាប់ផ្ដើមស្រលាញ់គ្នានៅពេលពួកគេបានសម្ដែងក្នុងភាពយន្តទូរទស្សន៍ជាមួយគ្នា៕