របរទិញបាយក្តាំង រកចំណូលបានខ្ទង់លានរៀលរាល់ខែ
- 2018-03-15 07:37:08
- ចំនួនមតិ 0 | ចំនួនចែករំលែក 0
របរទិញបាយក្តាំង រកចំណូលបានខ្ទង់លានរៀលរាល់ខែ
ចន្លោះមិនឃើញ
របរប្រមូលទិញបាយក្ដាំងនៅរាជធានីភ្នំពេញអាចរកចំណូលបានជាមធ្យមជិត២០ដុល្លារក្នុងមួយជើងៗបើទោះបីជានៅហាលថ្ងៃបន្តិចមែន។
លោក សា វណ្ណៈ និងភរិយាប្រមូលទិញបាយក្ដាំងពីហាងលក់បាយនានាក្នុងរាជធានីភ្នំពេញដើម្បីយកទៅលក់បន្ត។ ជាមធ្យមក្នុងមួយថ្ងៃលោកអាចទិញបាយក្ដាំងបានពី២០០ទៅ៣០០គីឡូក្រាម។
តម្លៃទិញចូលក្នុងមួយគីឡូក្រាមលោកថាចន្លោះពី១ ០០០ទៅ១ ២០០រៀល ដោយគិតទៅតាមគុណភាពបាយដែលនៅល្អមិនបែក និងបោះបន្តទៅម៉ូយធ្វើបាយក្ដាំងបំពងបាន១៥០០ ទៅ១៦០០រៀលក្នុងមួយគីឡូក្រាម។
លោក សា វណ្ណៈ បន្តថាគិតទាំងថ្ងៃដើរប្រមូលទិញ និងថ្ងៃយកទៅលក់បន្ត លោកត្រូវចំណាយពេលចំនួនពីថ្ងៃដើម្បីបានលក់ចេញម្តង ហើយថាចំណូលបានពីរបរមួយនេះមានចន្លោះពី ៧ម៉ឺនទៅ៨ម៉ឺនរៀលក្នុងមួយជើងៗបន្ទាប់ពីកាត់ថ្លៃចាយវាយប្រចាំថ្ងៃរួចរាល់៕