ស្រីពៅមុខឈើ ឆេះដុំនឹងពាក្យខ្សិបខ្សៀវចោទថាខ្លួនជាម៉ែយ៉ែម (វីដេអូ)

2018-03-19 06:33:36
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាភេទទី៣ ស្រីពៅមុខឈើ កន្លងមកធ្លាប់រងនូវពាក្យខ្សិបខ្សៀវថា ជាម៉ែយ៉ែម។ ពេលនេះម្ចាស់ខ្លួនចេញមកបកស្រាយថា មិនដូចជាការលើកឡើងនោះឡើយ តារារូបនេះបានបដិសេធដាច់អហង្ការ សុំមិនទទួលងារនេះដែលគេបានដាក់ឲ្យខ្លួនឡើយ។

នាងបានប្រាប់ Sabay ថា ខ្លួនមិនដែលបានធ្វើនូវអំពើទាំងអស់នេះនោះទេ បើនាងធ្វើមែន ការងារសិល្បៈទាំងអស់គឺត្រូវបរាជ័យមិនខាន។ «អ្នកដែលនិយាយពីយើងហ្នឹងដឹងថាខ្លួនឯងគឺជាអ្នកណា ហើយអ្វីដែលបងធ្វើកន្លងមក មិនដូចពាក្យខ្សិបខ្សៀវលើកឡើងនោះទេ»។ ធម្មតាមនុស្សភេទទី៣ មានពួកម៉ាកស្រីច្រើន ដើរច្រើន តាមពិតគេវ៉ៃប្រហារយើង តែខ្លួនពិតរបស់យើង មិនមែនជាមនុស្សបែបហ្នឹង អាចមកពីគេច្រណែន និងធ្វើមិនបានដូចយើងខ្ញុំ អរគុណគាត់ដែលនៅរម្លឹកពីខ្ញុំ»។

ស្រីពៅមុខឈើបន្ថែមថា អ្នកនិយាយពីនាងគេងមិនលក់នោះទេ ព្រោះពិបាកចិត្ត ព្រោះនិយាយអ្វីដែលមិនពិត ជាការចាក់រុកគេវិញ។ ក្រៅមានហាងកែសម្ផស្ស នាងក៏មានហាងបាយផ្ទាល់ខ្លួនឈ្មោះថាញ៉ាំៗ ជាពិសេសនាងក៏កំពុង ធ្វើកិច្ចការសង្គម យុវជនស្ម័គ្រចិត្តផងដែរ៕

អត្ថបទ៖ ច្រឹក ស្រីអូន