វិបសាយ​ជប៉ុន​ Macotakara បាន​ចែក​រំលែក​វីដេអូ​មួយ​​​មាន​ប្រភព​ដើម​ពី​ Weibo ជា​វីដេអូ​បង្ហាញ​អំពី​ iPhone SE ជំនាន់​ថ្មី​ ដែល​មាន​ផ្ទៃ​អេក្រង់​លាត​ និង​ មាន​ឆក​ដូច​ជា​ iPhone X។

iPhone SE ដែល​គេ​បាន​បង្ហាញ​ក៏​​មាន​បំពាក់​កាមេរ៉ា​ភ្លោះ​ដូច​ជា​ iPhone X ថែម​ទៀត​ផង។ ចំពោះ​រូបរាង​របស់​វា​គឺ​មាន​​គែម​ជ្រុងៗ​ដូច​ជា​ iPhone SE ជំនាន់​មុន។

បន្ថែម​ពី​នេះ​ ក្រោយ​ពី​វីដេអូ​ខាង​លើ​បាន​ចេញ​ផ្សាយ​ ក៏​មាន​ការ​លេច​ចេញ​នូវ​គំនូរ​ព្រាង​បង្ហាញ​អំពី​រូបរាង​ iPhone SE ជំនាន់​ទី​ពីរ​ ដែល​មាន​លក្ខណៈ​ដូច​គ្នា​នឹង​រូបរាង​ក្នុង​​វីដេអូ​ដែរ។

ទោះ​យ៉ាងណា​ មាន​មតិ​ជា​ច្រើន​លើក​ឡើង​ថា​ស្មាតហ្វូន​ដែល​បាន​បង្ហាញ​ខាង​លើ​នេះ​ គ្រាន់​តែ​ iPhone X ដែល​ប្ដូរ​សម្បក​ទៅ​ជា​ជ្រុងៗ និង​ មាន​ខ្លះ​ទៀត​ជឿ​ថា​វា​ជា​ iPhone SE ជំនាន់​ថ្មី​ ហើយ​ថែម​ទាំង​ស្រឡាញ់​ពេញ​ចិត្ត​រូបរាង​នេះ​ទៀត​ផង។

Apple នឹង​ប្រារព្ធ​កម្មវិធី​មួយ​នា​ថ្ងៃ​ទី​ ២៧ ខែ​មីនា​ ដែល​គេ​ជឿ​ជាក់​ថា​​ iPad Pro ជំនាន់​ថ្មី​នឹង​បង្ហាញ​ខ្លួន​ក្នុង​កម្មវិធី​នេះ ហើយ​ iPhone SE 2 ក៏​អាច​ត្រូវ​បង្ហាញ​ចេញ​​នៅ​ពេល​ដំណាល​គ្នា​ផង​ដែរ៕​​​

ចុចអាន៖

• iPhone X ប៉ុន្មាន​គ្រឿង​ ទើប​អាច​ទប់​គ្រាប់​កាំភ្លើង​ជាប់? (វីដេអូ)

• Galaxy S9+ ថ្លៃ​ក្បែរ​មួយ​ពាន់​ដុល្លារ ចង់ដឹង​ផលិត​អស់​ប៉ុន្មាន​ទេ?

ប្រភព៖ PhoneArena | 9to5Mac   ប្រែ​សម្រួល៖ សុខហេង