ខួប ១០០ ឆ្នាំភ្លាម Panasonic ចេញផលិតផលថ្មីឡើងទំនើបដាច់គេភ្លែត

2018-03-17 08:31:52
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅកម្ពុជាអ្នកណាមិនស្គាល់ផលិតផលគ្រឿងអេឡិចត្រូនិកម៉ាក Panasonic តែខ្លះអាចមិនដឹងថាម៉ាកយីហោរមួយនេះមកដល់ឆ្នាំនេះមានអាយុ១០០ឆ្នាំទៅហើយ និងនៅតែខ្លាំងលើទីផ្សារគ្រឿងអេឡិចត្រូនិកសម្រាប់ប្រើប្រាស់តាមផ្ទះក្នុងទីផ្សារពិភពលោក។ ដូច្នេះគ្រប់គ្នាបានរង់ចាំអ៊ុតមើលថាក្នុងខួប១០០ឆ្នាំនេះ Panasonic នឹងមានអ្វីថ្មីពិសេសសម្រាប់អតិថិជនរបស់ខ្លួន។

ទីបំផុតការទន្ទឹងរង់ចាំរបស់អតិថិជនមកដល់ហើយ ផលិតផលដែលក្រុមហ៊ុនល្បីនេះត្រៀមចេញសម្ពោធដាក់លក់ គឺម៉ាស៊ីនត្រជាក់ម៉ូដែល ២០១៨ SKY SERIES ដែលបំពាក់បច្ចេកវិទ្យាឆ្លាតវៃចុងក្រោយថ្មីទំនើបបំផុត nanoe។ ការប្រកាសដាក់បង្ហាញផលិតផលថ្មីជាផ្លូវការនេះ ធ្វើឡើងក្នុងពិធីជប់លៀងខួបគម្រប់ ១០០ឆ្នាំរបស់ Panasonic កាលពីល្ងាចថ្ងៃសុក្រ ទី១៦ មីនា ២០១៨ នៅសណ្ឋាគារ The Great Duke ភ្នំពេញ។

លោក Maresuke Nagotoshi ប្រធានតំណាងសាខា Panasonic ប្រចាំតំបន់អាស៊ីប៉ាស៊ីហ្វិក បានឲ្យដឹងថា៖ «ម៉ាស៊ីនត្រជាក់សេរីថ្មី SKY SERIES នេះ មានប្រព័ន្ធបោសសម្អាតឆ្លាតវៃ nanoe អាចផ្ដល់នូវខ្យល់បរិសុទ្ធ ដោយវាស្រូបយកកម្ទេចធូលីតូចៗ បាក់តេរី និងមេរោគទៅក្នុងម៉ាស៊ីនត្រជាក់ ហើយបំបាត់ក្លិនអាក្រក់ ទោះបីជាមុខងារត្រជាក់ត្រូវបានបិទក៏ដោយ នេះពិតទំនើបជាងម៉ាស៊ីនត្រជាក់យើងម៉ូដែលមុនៗដល់ទៅ ១០ដង»។

«ក្រៅពីធានាផ្ដល់ខ្យល់បរិសុទ្ធស្រស់ស្រាយ រូបរាងរបស់វាក៏ត្រូវបានរចនាឡើងថ្មីស្អាតប្លែកជាមួយបន្ទះខ្យល់បក់ Sky Wing នៅផ្នែកខាងលើ បាញ់ខ្យល់ត្រជាក់ខ្លាំងជាងមុន ឆ្ងាយជាងមុន មានបច្ចេកវិទ្យា Inverter កាន់តែទំនើបដែលធ្វើឲ្យវាស៊ីភ្លើងកាន់តែតិចជាងមុន»។

«បច្ចេកវិទ្យាទំនើបឆ្លាតវៃ nanoe បំពាក់ក្នុងម៉ាស៊ីនត្រជាក់ គឺជារបបគំហើញថ្មី បច្ចុប្បន្នមានតែ Panasonicប៉ុណ្ណោះដែលមាន ដូច្នេះយើងជឿជាក់ថាម៉ូដែលថ្មី SKY SERIES នេះនឹងដើរតួយ៉ាងសំខាន់ក្នុងការវាយលុកទីផ្សារគ្រឿងអេឡិចត្រូនិកប្រើប្រាស់តាមផ្ទះទាំងនៅកម្ពុជា និងទីផ្សារទូទាំងពិភពលោក»។

លោក Ichiro Suganuma នាយកប្រតិបត្តិនៃក្រុមហ៊ុន Panasonic Appliances Asia Pacific បានឲ្យដឹងថា៖ «ផ្អែកលើគោលគំនិត "គុណភាពខ្យល់សម្រាប់ជីវិត" បច្ចេកវិទ្យាផ្ដាច់មុខពីក្រុមហ៊ុន Panasonic នេះ មានបំណងផ្ដល់នូវខ្យល់បរិសុទ្ធ ដើម្បីគុណភាពជីវិតកាន់តែប្រសើរ។ ក្រុមហ៊ុនជឿជាក់ថា លក្ខណៈពិសេសនៃម៉ាស៊ីនត្រជាក់របស់ Panasonic ផលិតឡើងត្រូវចំតម្រូវការរបស់អតិថិជនខ្លួន និងឈានក្តាប់ទីផ្សារបាន ៦០%ហើយនៅកម្ពុជា។

លោកបន្តថា៖ «១០០ឆ្នាំបានកន្លងទៅ ចាប់តាំងពីក្រុមហ៊ុនបានបង្កើតឡើងនៅឆ្នាំ ១៩១៨ យើងបានបង្កើតផលិតផលជាច្រើនប្រភេទប្រកបដោយការច្នៃប្រឌិតខ្ពស់ដើម្បីបំពេញតម្រូវការអតិថិជនដែលមានរបៀបរស់នៅខុសៗគ្នាទូទាំងពិភពលោក ដោយផ្អែកលើស្តង់ដារគុណភាពជប៉ុន ហើយនឹងធ្វើឲ្យម៉ាកផលិតផលនេះជាទីទុកចិត្តរបស់អតិថិជនរៀងរហូត»៕