ភាពយន្តដ៏ល្បី Deadpool ពីមុនបិទនៅចិន ឥឡូវទទួលបានភ្លើងខៀវវិញហើយ!
- 2018-03-20 11:51:25
- ចំនួនមតិ 0 | ចំនួនចែករំលែក 0
ភាពយន្តដ៏ល្បី Deadpool ពីមុនបិទនៅចិន ឥឡូវទទួលបានភ្លើងខៀវវិញហើយ!
ចន្លោះមិនឃើញ
Deadpool ជាខ្សែភាពយន្តបែបកំពូលវីរបុរស ដែលកាលពីមុនត្រូវបានបិទមិនឲ្យចាក់បញ្ចាំងក្នុងប្រទេសចិននោះ តែឥលូវនេះទទួលបានភ្លើងខៀវឲ្យចាក់បញ្ចាំងនៅក្នុងប្រទេសចិនវិញហើយ ក្នុងខែក្រោយនេះ នៅមហោស្រពភាពយន្តអន្តរជាតិទីក្រុងប៉េកាំង។ មហោស្រពឆ្នាំ២០១៨ នឹងប្រព្រឹត្តទៅនៅថ្ងៃទី១៥ ដល់ ២២ ខែមេសា ។
ខ្សែភាពយន្ត Deadpool នឹងចាក់បញ្ចាំងជាផ្នែកមួយនៃផ្នែក Bejing Film Panorama ។ ក្នុងកម្មវិធី Bejing Film Panorama នេះផងដែរ ក៏មានខ្សែភាពយន្តល្បីៗ ភាពយន្តបុរាណ និងភាពយន្តកម្រៗ។
បើតាមខាងអ្នករៀបចំកម្មវិធីនេះបានឲ្យដឹងថា នៅក្នុងមហោស្រពនេះ មានខ្សែភាពយន្តផ្សេងៗទៀត ដូចជា ខ្សែភាពយន្តសខ្មៅ "Logan " និង "X-Men" ភាគទី១ និងទី២ ។
គួររំលឹកផងដែរថា ទោះជាមានការបារម្ភអំពីអំពើហិង្សាក្នុងខ្សែភាពយន្តសខ្មៅ "Logan " នេះក៏ដោយ ក៏ខ្សែភាពយន្តនេះបានឲ្យចាក់បញ្ចាំងក្នុងប្រទេសចិន ហើយបានរកបានដល់ទៅ ១០៦ លានដុល្លារអាមេរិក។
ក្រៅពីផ្នែក Bejing Film Panorama មហោស្រពនេះក៏នៅមានកម្មវិធីជាច្រើនទៀតដូចជា ខ្សែភាពយន្តការប្រកួតផ្សេងៗ ភាពយន្តបែបឯកសារស្រមៃទៅថ្ងៃអនាគត ភាពយន្តonline និង ភាពយន្តទើបតែចេញថ្មី៕