ភ្ញាក់ផ្អើល! ប្រទះឃើញពងកន្ធាយជិតផុតពូជលើលោក រាប់រយគ្រាប់នៅក្រចេះ
- 2018-03-21 04:26:40
- ចំនួនមតិ 0 | ចំនួនចែករំលែក 0
ភ្ញាក់ផ្អើល! ប្រទះឃើញពងកន្ធាយជិតផុតពូជលើលោក រាប់រយគ្រាប់នៅក្រចេះ
ចន្លោះមិនឃើញ
ក្រុមអ្នកអភិរក្សរបស់រដ្ឋបាលជលផល សមាជិកសហគមន៍ និងអង្គការWCS បានរកឃើញសំបុកកន្ធាយក្បាលកង្កែបចំនួន១៤សំបុក មានពងសរុបចំនួន៤៣៦គ្រាប់នៅតាមដងទន្លេមេគង្គ ក្នុងខេត្តក្រចេះសម្រាប់រដូវពងកូនក្នុងឆ្នាំ ២០១៨នេះ។ នេះបើតាមទំព័រហ្វេសប៊ុករបស់អង្គការWCS។
តាមប្រភពដដែលឲ្យដឹងទៀតថា កន្ធាយក្បាលកង្កែប ស្ថិតនៅក្នុងបញ្ជីក្រហមរបស់អង្គកា IUCN ជាប្រភេទរងគ្រោះជិតផុតនៅលើសាកលលោក និងស្ថិតក្នុងបញ្ជី នៃប្រភេទធនធានជលផល ដែលកំពុងរងគ្រោះរបស់ប្រទេសកម្ពុជា។ ពួកវាត្រូវបានគេគិតថាផុតពូជពីកម្ពុជាទៅហើយ រហូតដល់ឆ្នាំ២០០៧ ប៉ុន្តែត្រូវបានរកឃើញសាជាថ្មីម្ដងទៀតនៅដងទន្លេមេគង្គ ក្នុងបរិវេណ៤៨គីឡូម៉ែត្រ ចន្លោះខេត្តក្រចេះ និងស្ទឹងត្រែង។
លោក ងួន ចន្ទី អ្នកសម្របសម្រួលគ្រោងអភិរក្សកន្ធាយក្បាល កង្កែបនៃអង្គការWCS បាននិយាយថា៖ «សំបុកកន្ធាយក្បាលកង្កែបរកឃើញទាំងអស់ មានចំនួន៣៥សំបុក ប៉ុន្តែជាអកុសល សំបុកចំនួន១៥ ត្រូវបានជនខិលខូចលួចប្រមូលយកពងរបស់វាទៅបាត់អស់ មុនពេលក្រុមការងារទៅដល់។ សព្វថ្ងៃនេះ យើងកំពុងតែការពារសំបុកចំនួន២០ ដែលមានពងសរុបចំនួន៦៦៣គ្រាប់។ សមាជិក សហគមន៍ចំនួន០៤នាក់ កំពុងតែផ្លាស់ប្ដូរវេនគ្នាការពារសំបុកពងកន្ធាយទាំងអស់នេះ រហូតដល់ញាស់។»
លោក ចន្ទី បានបន្តថា៖ «គិតត្រឹមខែមីនានេះ កូនកន្ធាយចំនួន១៣២ បានញាស់ដោយជោគជ័យ ហើយយើងកំពុងតែថែរក្សាពួកវានៅ ទីតាំងមានសុវត្ថិភាព និងលែងពួកវាទៅក្នុងធម្មជាតិវិញនៅក្នុង រយៈពេលដ៏ខ្លីខាងមុខ៕»
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
