រែកបន្លែលក់ជិត៣០ឆ្នាំ បានត្រឹមបាយបីពេលយ៉ាងលំបាក

2018-03-22 07:19:14
ចំនួនមតិ 0 | ចំនួនចែករំលែក 0

ចន្លោះមិនឃើញ

មានទឹកមុខស្ងួត ពាក់មួកពណ៌ខៀវ អាវពណ៌សរាងស្រអាប់បន្តិចដោយស្នាមប្រឡាក់ ដំណើរដូចតាចាស់រេពេញផ្លូវដោយអម្រែកបន្លែទម្រន់ជិត៥០គីឡូក្រាម ត្រាច់ចរពេញក្រុងភ្នំពេញ នេះជាសកម្មភាពរែកបន្លែលក់របស់អតីតទាហានវ័យ៥០ឆ្នាំប្លាយម្នាក់មកពីខេត្តកណ្ដាល។

លោក អៀម ថៃ អាយុ៥៨ឆ្នាំ ជាអតីតទាហានចន្លោះឆ្នាំ១៩៨០ ដល់ឆ្នាំ១៩៩០ នៅខេត្តកណ្ដាល។ រាល់ថ្ងៃ លោកដើររែកបន្លែលក់តាំងពីម៉ោង៥ព្រឹករហូតដល់ម៉ោង ៩យប់ ក្នុងមួយថ្ងៃលោកយកបន្លែពីម៉ូយពី៤០ ទៅ ៥០គីឡូក្រាម តែលក់បានតែពី២០ ទៅ២៥គីឡូក្រាម បើថ្ងៃលក់ដាច់អស់ផាត់បាយទឹកអស់សល់ពី២ទៅ៣ម៉ឺន តែបើលក់មិនដាច់វិញខាតចុងខាតដើមដឹងតែដាច់បាយមិន។

លោកឪ្យដឹងថាៈ « របររែកបន្លែលក់ដើរពេញក្រុងនេះ ខ្ញុំមិនមែនទើបតែរកឥឡូវទេ ខ្ញុំរកតាំងពីឆ្នាំ១៩៩១មកម្ល៉េះ ខែបន្លែលក់បន្លែ ខែផ្លែឈើលក់ផ្លែឈើ លក់អត់ដាច់ អស់ដើម រត់ទៅធ្វើជាងសំណង់ និយាយទៅឆ្លាស់គ្នារហូត»។

ក្រៅពីរបររែកបន្លែនេះ លោក អៀម ថៃ ក៏ជាអ្នកលេងហ្គីតាក្នុងពិធីមង្គលការរបស់ក្រុមតន្ត្រីមួយក្រុមនៅជិតផ្ទះ ក្នុងមួយខែបាន២ ទៅ៣ រោង កម្រៃបានពីលេងភ្លេងនេះបាន៦ ទៅ ៨ម៉ឺនរៀលក្នុងមួយកម្មវិធី៕

អត្ថបទដោយ៖ លន ហ្សាឌីណា