Brad Pitt ត្រលប់មកទាក់ទងជាមួយ Jennifer Aniston វិញ?

2018-03-23 06:50:00
ចំនួនមតិ 0 | ចំនួនចែករំលែក 0

ចន្លោះមិនឃើញ

យោងទៅតាមប្រភពមួយពីទស្សនាវដ្ដី Star Magazine ថ្មីៗនេះបានឲ្យដឹងថាតារាសម្ដែង Brad Pitt និង Jennifer Aniston បានចំណាយពេលជួបគ្នា (Date) មួយរាត្រីជាមួយគ្នាបន្ទាប់ពីទទួលបានការណែនាំពីមិត្តភ័ក្ដិតារាសម្ដែង George Clooney។

តារាសម្ដែង Brad Pitt និង George Clooney

ប្រភពនោះបានបញ្ជាក់ថា៖ "George គឺមនុស្សដែលប្រាប់ Brad នៅពេលដែលលោកបែកបាក់ស្នេហាជាមួយ Angelina គ្រាន់តែ Jennifer និងលោក Justin Theroux បែកបាក់គ្នាភ្លាម George ជំរុញឲ្យ Brad ទាក់ទងអតីតភរិយានិងសាងស្នេហាចាស់ជាថ្មី។"

បើតាមប្រភពមួយជិតដិត បានឲ្យដឹងថាលោក George បានរៀបចំការជួបគ្នាជាមួយអ្នកទាំងពីរកាលពីថ្ងៃទី ៣ខែមីនានេះ នៅពេលទៅចូលរួមកម្មវិធីជប់លៀងមួយមុនអូស្ការ។ នៅពេលនោះ Jennifer បានឲ្យអ្នកបើករថយន្តផ្ទាល់ខ្លួនទៅយក George និង Brad Pitt មកផ្ទះខ្លួនហើយចំណាយពេលជាមួយគ្នា បន្ទាប់មក Geroge ក៏ចាកចេញដើម្បីឲ្យអ្នកទាំងពីរមានឱកាសជាមួយគ្នា។

ទោះជាយ៉ាងណាក៏ដោយសម្រាប់ពេលនេះ អ្នកទាំងបីមិនបាននិយាយអ្វីទាក់ទងនឹងព័ត៌មាននេះទេ។ ប្រភពមួយទៀតពីសារព័ត៌មាន Hollywood Life បានច្រានចោលព័ត៌មានចចាមអារ៉ាមនេះថាវាមិនមែនជាការពិត។ ចុះប្រិយមិត្តវិញគិតយ៉ាងណាដែរ? តើចង់ឲ្យ Brad Pitt ត្រលប់មករក Jennifer វិញទេ?