ប្រយ័ត្នស៊យទាន់នឹងភ្នែក! ត្រណមហាមធ្វើដាច់ខាត ពេលសែន ឆេងម៉េង ឆ្នាំនេះ

2018-03-24 07:01:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ការសែន ឆេងម៉េង ជាពេលវេលាដែលបងប្អូនជួបជុំគ្នាមកសែនរម្លឹកគុណដល់ផ្នូរដូនតា ហើយប្រជាជនចិន ឬខ្មែរកាត់ចិននៅកម្ពុជា បានកំណត់ និងប្រតិបត្តិតៗគ្នាយកថ្ងៃសែន ឆេងម៉េង ចាប់ពីថ្ងៃ១ ដល់ ៥ មេសា រៀងរាល់ឆ្នាំ។

ការពិត តាមទំនៀមទម្លាប់ចំរបស់ជនជាតិចិនតាំងពីបុរាណមក ថ្ងៃសែន ឆេងម៉េង គឺចាប់ពីថ្ងៃទី២២ មីនា ដល់ ៨ មេសា រៀងរាល់ឆ្នាំ។ នេះតាមការប្រាប់ឲ្យដឹងរបស់អ្នកគ្រូហុងស៊ុយ ឡុង ណាលី អគ្គនាយិកាស្ថាប័ន ម៉ាស្ទ័រ ណាលី ហុងស៊ុយ។

គ្រូហុងស៊ុយល្បីឈ្មោះរូបនេះ ក៏បានប្រាប់ពីថ្ងៃល្អបំផុតសម្រាប់សែន ឆេងម៉េង ក្នុងឆ្នាំ២០១៨ ផងដែរ ដែលមានតែ ៤ ថ្ងៃប៉ុណ្ណោះ គឺ៖

ថ្ងៃទី ២៨ មីនា វេលាម៉ោង ៧-៩ ព្រឹក
ថ្ងៃទី ១ មេសា វេលាម៉ោង ៧-៩ ព្រឹក
ថ្ងៃទី ២ មេសា វេលាម៉ោង ៧-៩ ព្រឹក
ថ្ងៃទី ៥ មេសា វេលាម៉ោង ៧-៩ ព្រឹក (ហេតុផលម៉េចបានម៉ោងថ្ងៃទាំងនេះល្អបំផុតមានបញ្ជាក់ក្នុងវីដេអូ)។

ពេលសួរថា សែន ឆេងម៉េង ឆ្នាំនេះ ត្រូវមានត្រណមអីខ្លះក្រែងលោឆុង អ្នកគ្រូ ណាឡី បានបញ្ជាក់ថា ប្រសិនបើមានការពូនផ្នូរ និងកាប់ដើមឈើសម្អាតជុំវិញផ្នូរ អ្នកត្រូវប្រយ័ត្នបំផុត ព្រោះអាចឆុង។

អ្នកគ្រូពន្យល់លម្អិតថា៖

បើសិនក្បាលដំណេកផ្នូរ (កន្ទុយផ្នូរ) បែរចំទិសខាងជើង ហើយមានការពូនផ្នូរដោយមានចាក់ដីរង្គោះរង្គើ (ខ្ទ័រ) ផ្នូរ ឬដក-កាប់ដើមឈើនៅទិសខាងជើងនៃកន្ទុយផ្នូរ នោះនឹងធ្វើឲ្យកូនចៅដែលកំពុងរកស៊ីឡើង កាន់តែដាក់ធ្លាក់វិញ ជាពិសេសអ្នកកើតឆ្នាំរោង រកា ឆ្លូវ មមែ និងច ព្រមទាំងអ្នកមានផ្ទៃពោះ (ពរពោះកូនឆ្នាំច)។
ករណីកូនចៅគេផ្សេងពូនផ្នូរដូនតារបស់គេ ដោយចាក់ដីរង្គោះរង្គើ (ខ្ទ័រ) ឬកាប់-ដកដើមឈើ ហើយចំទិសខាងជើងនៃក្បាលដំណេកផ្នូរ (កន្ទុយផ្នូរ) របស់ដូនតាអ្នក អ៊ីចឹងអ្នកក៏ស៊យដែរ ជាពិសេសអ្នកកើតឆ្នាំរោង រកា ឆ្លូវ មមែ និងច ព្រមទាំងអ្នកមានផ្ទៃពោះ (ពរពោះកូនឆ្នាំច)។

ដំណោះស្រាយប្រសើរបំផុតសម្រាប់អ្នកដែលមានផ្នូរដូនតា កន្ទុយបែរទៅទិសខាងជើង គឺត្រូវសែនហើយភ្លាម ត្រឡប់មកផ្ទះវិញភ្លាម បង្ការក្រែងលោមានករណីផ្នូរគេផ្សេងមានសំឡេងក្ដុងក្ដាំង (អុជផាវ ពូនផ្នូរ ឬកាប់ដកដើមឈើ)។

ចង់ដឹងលម្អិត សូមមើលវីដេអូខាងក្រោម៖