ផ្ទះ​ដ៏​ធំ​ស្កឹមស្កៃ​មួយ​ខ្នង​នៅ​ប្រទេស​អ៊ីតាលី ដែល​ធ្លាប់​ជា​កម្មសិទ្ធិ​របស់​ស្តេច​បែលហ្សិក Leopold II ត្រូវ​បាន​គេ​ដាក់​លក់​ក្នុង​តម្លៃ ៤១០ លាន​ដុល្លារ​អាមេរិក ដែល​នឹង​ធ្វើ​ឲ្យ​វា​ក្លាយ​ជា​ផ្ទះ​មាន​តម្លៃ​ថ្លៃ​បំផុត​នៅ​លើ​ពិភពលោក។

ផ្ទះ​ដែល​មាន​ឈ្មោះ​ថា Villa Les Cèdres ខាង​លើ ត្រូវ​បាន​សាងសង់​នៅ​ក្នុង​ឆ្នាំ ១៨៣០ មាន​ទំហំ ១ ៦៧២ ម៉ែត្រការ៉េ ឈរ​នៅ​លើ​ផ្ទៃ​ដី​ទំហំ ១៤ ហិតា ស្ថិត​នៅ​លើ​ឆ្នេរ​សមុទ្រ Saint-Jean-Cap-Ferrat។ បន្ទប់​ទាំង ១៤ របស់​វា​និមួយៗ សុទ្ធតែ​ត្រូវ​បាន​តុបតែង​លម្អ​យ៉ាង​ប្រណីត។

យោង​តាម​ប្រភព​ព័ត៌មាន បាន​ឲ្យ​ដឹង​ថា ផ្ទះ​នោះ​ក៏​មាន​បន្ទប់​បណ្ណាល័យ ដែល​ផ្ទុក​សៀវភៅ​រហូត​ដល់​ទៅ ៣ ០០០ ក្បាល។ ស្ដេច Leopold II បាន​ទិញ Villa Les Cèdres នេះ ក្នុង​ឆ្នាំ ១៩០៤ និង​ពង្រីក​ដី​របស់​ទ្រង់។

ប្រសិន​បើ​ផ្ទះ​ប្រណីត​ខាងលើ លក់​ចេញ​ក្នុង​តម្លៃ​ដែល​បាន​ដាក់ នោះ​វា​នឹង​ក្លាយ​ជា​ផ្ទះ​ថ្លៃ​បំផុត​ក្នុង​ប្រវត្តិសាស្ត្រ៕

• Sabay ត្រូវការរើស Marketing Consultant។ បើមានចំណាប់អារម្មណ៍សូមផ្ញើ CV មក hr@sabay.com ឬចូលទៅកាន់ https://goo.gl/j3UhbY

ចុច​អាន៖

• រូបសំណាកខ្ពស់បំផុតលើពិភពលោក ស្ថិតក្នុងប្រទេសឥណ្ឌា នឹងលេចរូបរាងក្នុងឆ្នាំនេះ
• មើលពីក្រៅតូចចង្អៀត តែខាងក្នុងវិញ ផ្ទះរូបរាងស្គមនេះទូលាយល្វឹង!
• ចិនសង់ស្ពានអាកាសកាត់ទទឹងផ្លូវ តែមិនរំខានចរាចរសូម្បីបន្តិច ព្រោះប្រើបច្ចេកទេសពិសេស (វីដេអូ)

ប្រភព៖ CNN   ប្រែ​សម្រួល៖ សេង ឡុង