ឡូយ! ទិញកម្មវិធីពី Google Play ឥឡូវ មិនចាំបាច់មាន Visa Card ទៀតទេ

2018-03-30 07:12:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះក្រុមហ៊ុន Smart ទើបតែបញ្ចេញដំណោះស្រាយមួយ ដែលអាចឲ្យអតិថិជន ងាយស្រួល ក្នុងការទិញមុខងារកម្សាន្តដូចជា ខ្សែភាពយន្ត ល្បែងកម្សាន្ត សៀវភៅអាន គ្រឿងអេឡិចត្រូនិកផ្សេងៗ និងការទិញមុខងារបន្ថែមមួយចំនួនទៀត ក្នុងកម្មវិធី Google Play។

មុខងារកម្សាន្តដូចជា ខ្សែភាពយន្ត ល្បែងកម្សាន្ត សៀវភៅអាន គ្រឿងអេឡិចត្រូនិកផ្សេងៗ ដែលកម្មវិធីខ្លះ អ្នកអាចទាញយកដោយសេរី តែខ្លះទៀតតម្រូវឲ្យមានបង់លុយពី Google Play អ៊ីចឹង ដើម្បីជាដំណោះស្រាយកាន់តែស្រួល ក្រុមហ៊ុន Smart បានបញ្ចេញកម្មវីធីមួយគឺ SmartPay។

SmartPay ដែលមានដំណើរការលើប្រព័ន្ធប្រតិបត្តិការ Android នឹងអាចចូលទៅទាញយកកម្មវិធីឌីជីថលនានា ដោយពុំចាំបាច់មានប័ណ្ណឥណទាន(Credit) និង ឥនពន្ធ (Debit)ឡើយ។ រាល់ការទិញទាំងអស់ នឹងត្រូវបង់ពន្ធ VAT ១០% ជាធម្មតា។ សារជូនដំណឹងនឹងត្រូវបានផ្ញើទៅឲ្យអតិថិជន ដើម្បីបញ្ជាក់ពីការបញ្ជាទិញនីមួយៗ។

លោក Stjepan ប្រធានផ្នែកទីផ្សាររបស់ក្រុមហ៊ុន Smart Axiata បាននិយាយថា៖ "ដោយសារប្រជាពលរដ្ឋកម្ពុជា ប្រមាណតែ ២០ភាគរយ ដែលមានគណនីធនាគារ ឫប័ណ្ណឥណទាន ចឹង កម្មវិធី SmartPay អាចឲ្យពួកគាត់ លេងកម្សាន្ត រៀនសូត្រ និង ទិញរបស់ផ្សេងៗ ដោយគ្រាន់តែបញ្ចូលទឹកប្រាក់ទៅក្នុងគណនី អ្នកអាចចាប់ផ្ដើមបញ្ចូលកម្មវិធីទៅក្នុង គណនីឌីជីថលរបស់អ្នកបានដូចគ្នា"។

ដើម្បីប្រើប្រាស់ SmartPay លើ Google Play អតិថិជនរបស់ Smart ត្រូវជ្រើសយក “SmartPay” ជាវិធីទូទាត់ប្រាក់ ហើយចុះឈ្មោះតែម្ដង ដោយភ្ជាប់ជាមួយបណ្ដាញរបស់ក្រុមហ៊ុន Smart ឬនៅពេលដែលធ្វើការទិញនៅលើ Google Play។

សម្រាប់ព័ត៌មានបន្ថែម សូមទាក់ទង៖