Isuzu ប្រកាសតែងតាំងមេគ្រប់គ្រងថ្មី
- 2018-03-30 10:23:08
- ចំនួនមតិ 0 | ចំនួនចែករំលែក 0
Isuzu ប្រកាសតែងតាំងមេគ្រប់គ្រងថ្មី
ចន្លោះមិនឃើញ
ឆ្នាំមុនការលក់រថយន្ត Isuzu បានជាង ១០០ គ្រឿង ជាចំនួនមួយក្រុមហ៊ុនទទួលស្គាល់តិចតួចនៅឡើយ។ លោក Shuichiro Mori ដែលទើបទទួលតំណែងថ្មីជាអ្នកគ្រប់គ្រងថ្មីលើកឡើងថា ការលក់រថយន្តពេលនេះ មានការលំបាកក្នុងពេលស្ថានភពសេដ្ឋកិច្ចមិនសូវល្អ និងការប្រកួតប្រជែងពីម៉ាករថយន្តចម្រុះ។
ទីផ្សារកម្ពុជាវាយលុកដោយការប្រើប្រាស់រថយន្តមួយទឹកជាង ៩០ ភាគរយ ដែលជាបញ្ហាប្រឈមសម្រាប់ក្រុមហ៊ុនពង្រីកវិសាលភាពលក់បានធំទូលាយ។
លោកថា Isuzu ទើបលេចមុខជាងពីរឆ្នាំ គឺពិតជានៅក្មេងខ្ចីណាស់។ ក្នុងរយៈពេលដែលលោកមកកាន់តួនាទីថ្មី លោកនឹងជំរុញទីផ្សារលក់រថយន្ត Isuzu ទាំងការប្រើប្រាស់ទូទៅនិងសម្រាប់សហគ្រាសអាជីវកម្ម។
លោកថា Isuzu ទទួលជោគជ័យនៅថៃលើការលក់រថយន្ត Pick-Up ដោយក្តោបទីផ្សារបានជាង ៣៦ ភាគរយឈរនៅចំណាត់ថ្នាក់ទីមួយ។
នៅប្រទេសថៃ ការទទួលជោគជ័យរបស់ Isuzu ផ្អែកលើ ៣ ចំណុចគឺផលិតផលល្អលើសគេ ភាពខ្លាំងលើជំនាញផ្នែកលក់ និងការប្រើយុទ្ធសាស្រ្តផ្សព្វផ្សាយ។ ការអនុវត្តយុទ្ធសាស្ត្រលក់ដ៏ជោគជ័យនៅថៃ ពិតជាជះឥទ្ធិពលសម្រាប់ការរៀបចំផែនការយុទ្ធសាស្រ្តសម្រាប់ការលក់រថយន្ត Isuzu នៅកម្ពុជា។
លោកទទួលស្គាល់ថា ការបង្កើនពន្ធលើការនាំចូលរថយន្តថ្មីរបស់រដ្ឋាភិបាលថ្មីៗនេះ បានធ្វើឲ្យតម្លៃរថយន្ត Isuzu កើនឡើងពី ១១ ទៅ ១២ ភាគរយ ដែលនាំប៉ះពាល់កំណើនការព្យាករលក់របស់ក្រុមហ៊ុន។
លោក Toshiaki Maekawa ប្រធានគ្រប់គ្រងរបស់ក្រុមហ៊ុន Isuzu ប្រចាំប្រទេសថៃបានឲ្យដឹងថា នៅអូស្រ្តាលី Isuzu ប្រើពេលជិត ១០ ឆ្នាំ ទើបទទួលជោគជ័យដូច្នេះកម្ពុជាមិនខុសគ្នាទេ ក្រុមហ៊ុននឹងពង្រឹងលើផលិតផល ការផ្តល់សេវាកម្មក្រោយការទិញ រួមទាំងជំរុញការផ្សព្វផ្សាយតាមប្រព័ន្ធឌីជីថល។
គួរបញ្ជាក់ថា Isuzu ជាម៉ាកយីហោរថយន្តលក់ដាច់បំផុតនៅថៃ សម្រាប់ប្រភេទ Pick-up ដែលក្តោបទីផ្សារជាង ៣៦ ភាគរយ។ បរិមាណលក់ចេញកាលពីឆ្នាំមុនបានប្រហែល ១៣៣ ៧៩៤ គ្រឿង។ ដោយឡែក នៅកម្ពុជា Isuzu មានចំណែកទីផ្សារតែជាង ៣ ភាគរយសម្រាប់ Pick Up និង SUV ចំនួន ៦ ភាគរយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
