ផ្សារទំនើបនៅចិនមានផ្តល់នារីស្រស់ស្អាតសម្រាប់ជួលធ្វើជាសង្សារ តម្លៃសមរម្យបំផុត តែមានលក្ខខ័ណ្ឌតឹងរ៉ឹងមួយ

2018-03-31 05:07:18
ចំនួនមតិ 0 | ចំនួនចែករំលែក 0

ចន្លោះមិនឃើញ

ហាងលក់ទំនិញមួយកន្លែង នៅភាគខាងត្បូងប្រទេសចិន បានដាក់ស្រ្តីម៉ូដែលវ័យក្មេង១៥នាក់ សម្រាប់ភ្ញៀវជាបុរសៗ ជួលធ្វើជាសង្សារដើរទិញទំនិញនៅក្នុងផ្សារទំនើបនោះ។

នារីស្អាតៗទាំងនោះ គេអាចរកជួលធ្វើជាមិត្តស្រីដើរទិញអីវ៉ាន់បាន នៅផ្សារទំនើប Vitality City នៅទីក្រុង Heyuan ភាគខាងត្បូងប្រទេសចិន ដោយចំណាយត្រឹម ៣ RMB (លុយយ៉េនចិន) ប្រហែល ០,៤៨ ដុល្លារ (ជិត ២ពាន់រៀល) ហើយបង់ប្រាក់តាមរយៈការ scan QR code នៅលើទូរស័ព្ទដៃរបស់នាង។

បុរសដែលគ្មានគូស្នេហ៍ទាំងនោះ ក៏អាចយកនាងធ្វើជាដៃគូបណ្តោះអាសន្ន ដើម្បីញ៉ាំអាហារពេលថ្ងៃត្រង់ ឬ ពេលល្ងាច ប៉ុន្តែជាគោលការណ៍ ពួកគេមិនអាចប៉ះពាល់នាងបានឡើយ។

តំណាងផ្សារទំនើបខាងលើបានអះអាងថា ព្រឹត្តិការណ៍នេះ ធ្វើឡើងដើម្បីជួយសម្រួលដល់ភ្ញៀវមកទិញឥវ៉ាន់ ពិសេសបុរសៗ ព្រោះកញ្ញាស្រស់ស្អាត អាចដើរតាមក្រោយជួយយួរឥវ៉ាន់ពួកគេ។ ចរន្ត នេះក៏ទំនងបង្កើតឡើងដើម្បីបំពេញតម្រូវការភ្ញៀវជាបុរស ដែលមិនសូវចូលចិត្តដើរទិញឥវ៉ាន់ផងដែរ៕

ប្រភព៖ Mirror ប្រែសម្រួល៖ សុខ លាងហ៊ត