Sam Smith ប្រកាសចង់បានកូន ក្រោយចំហភ្លើងស្នេហ៍ស្រលាញ់ភេទដូចគ្នា

2018-03-31 08:33:43
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងSam Smith ដែលបានបើកចំហរឿងបេះដូងថា ខ្លួនមានទំនាក់ទំនងស្នេហាជាមួយតារាសម្ដែងប្រុស Brandon Flynn ថ្មីៗនេះ បានប្រកាសថា ក្នុងជីវិតនេះ លោកមិនចង់បានអ្វីឡើយ ក្រៅពីកាយក្លាយជាឪពុករបស់គេ។

លោកបានរៀបរាប់ទៅកាន់សារព័ត៌មាន The Sun ថា៖ "ការចង់បានកូន គឺរឿងមួយដែលខ្ញុំតែងតែស្រមៃនាពេលកន្លងមក តែប្រហែលជាពេលនេះខ្ញុំនឹងរើសកូនឆ្កែអនាថា ឬឆ្កែដែលធ្លាប់រងទារុណមួយមកចិញ្ចឹមសិន"។

ក្នុងនោះលោកបាននិយាយពីរឿងរ៉ាវបេះដូងវិញថា៖ "វាដូចស្នេហាមនុស្សទូទៅអីចឹង គឺអ្នកគ្រាន់តែត្រូវមនុស្សម្នាក់ដែលយល់ពីជីវិតអ្នក។ ការពិតទៅ ពួកយើងមិនដូចគ្នាទេ តែយើងមានចំណុចច្រើនស្រដៀងគ្នា។ វាពិតជាអស្ចារ្យណាស់ បើមានអ្នកណាយល់ពីអ្នក ពិសេសចំណូលចិត្តនៃការដំណើរកម្សាន្ត។ ខ្ញុំមានផ្ទះមួយស្រាប់ហើយនៅក្រុង LA ហើយខ្ញុំអាចទៅគ្រប់ទីកន្លែងជាមួយគេ។ វាពិតជាល្អ សម្រាប់ពួកយើង ក្នុងការធ្វើដំណើរកម្សាន្តទាន់ខ្លួននៅក្មេង"។

បុរសដែលល្បីខាងនិពន្ធបទកម្សត់នេះបន្ថែមថា តទៅលោកនឹងនិពន្ធចម្រៀងរីករាយវិញម្ដង ព្រោះលោកមិនចង់ធ្វើអ្វីដែលក្បត់អារម្មណ៍ពិតនោះទេ។

"បើនិយាយថាខ្ញុំមិនសរសេរចម្រៀងថ្មីនោះ គឺមិនត្រូវទេ តែខ្ញុំមិនចង់សរសេរអ្វីដែលផ្ទុយពីអារម្មណ៍ពិត។ ហើយខ្ញុំបានសរសេរបានខ្លះកាលពីទៅដើរលេងនៅប្រទេសជប៉ុន ហើយខ្ញុំនឹងព្យាយាមបញ្ចប់វានាពេលឆាប់ៗ"៕

ប្រភព៖ entertainment.toggle ប្រែសម្រួល៖ សុខណា