វិធីនេះជួយបាន បើប្រញាប់ចង់សាកថ្មស្មាតហ្វូនឲ្យចូលលឿនជាងធម្មតា

2018-04-01 02:48:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មនុស្សជាច្រើនប្រហែលជាធ្លាប់ភ្លេចសាកថ្ម ពេលរៀបចំខ្លួនរួចរាល់ ក្នុងការចេញទៅខាងក្រៅ ហើយដល់ពេលសាកបែរជាតម្រូវប្រើពេលយូរ។

ប្រើឆ្នាំងសាកហ្សុីន(Original)

ការភ្ជាប់សាកថ្មនឹង Laptop មិនមែនជាយោបល់ល្អនោះទេ បើអ្នកចង់សាកបានលឿន ដោយរន្ធ USB 2.0 បញ្ចេញថាមពលតែ ២.៥វ៉ាត់ ខណៈ USB 3.0 បញ្ចេញថាមពលប្រមាណ ៤.៥វ៉ាត់។

ទូរសព្ទប្រើ Android ទំនើបៗជាច្រើន អាចមានមុខងារសាកថ្មលឿន (Fast charging) ដែលអាចបញ្ចេញថាមពលប្រមាណ ១៥ វ៉ាត់។ ទូរសព្ទមានមុខងារសាកថ្មលឿន មិនបានន័យថា ឆ្នាំងសាកមកជាមួយ មានមុខងារសាកលឿននោះទេ។ ឧទាហរណ៍ ឆ្នាំងសាក LG G6 បានប្រើប្រាស់មុខងារ Quick Charge 2.0 ដូចនឹង G5 ថ្វីបើទូរសព្ទទាំងពីរអាចប្រើ Quick Charge 3.0។

អ្នកមិនគួរសាកថ្មតាម Wireless នោះទេបើអ្នកប្រញាប់ ដោយការបញ្ចេញថាមពលមិនបានល្អដូចនឹងប្រើខ្សែនោះទេ លើកលែងតែមុខងារសាកថ្មលឿនតាម Wireless។

*រើសយក Airplane mode**

Airplane mode បានបិទរ៉ាដាចាប់រលកសញ្ញាផ្សេងៗលើ Device ដែលអាចបន្ថយសមត្ថភាពរបស់ទូរសព្ទងាយសាកបានឆាប់រហ័ស។ នេះអ្នកមិនអាចទទួលការហៅចូល ឬសារ ខណៈបើក Airplane mode នោះទេ។

បិទទូរសព្ទ

អ្នកអាចបិទទូរសព្ទទាំងស្រុង ក្នុងការសាកបានលឿន ជាងបើកមុខងារ Airplane mode តែអ្នកប្រហែលជាខកខានទទួល Notification។

បើកមុខងារ Battery saving mode

ចាប់ពីជំនាន់ Lollipop ទូរសព្ទប្រើ Android មានមុខងារសន្សំថាមពលថ្ម (Battery saving mode)។ អ្នកអាចបើក មុខងារ នេះដោយចូលទៅកាន់ Settings > Battery > Battery Saver > រួចចុចប៊ូតុងបើកដំណើរការ ពេលកំពុងសាកថ្ម។

បិទមុខងារមិនចាំបាច់

អ្នកប្រហែលបានបើកមុខងារមិនចាំបាច់មួយចំនួន រួមមាន Bluetooth, GPS, Wi-Fi ឬ NFC ដែលអាចកំពុងតែប្រើថាមពលថ្មរបស់ Device។ អ្នកគួរបិទរាល់កម្មវិធី និងបញ្ឈប់ទូរសព្ទក្នុងការ Backup ឬធ្វើកំណែទម្រង់កម្មវិធី ដោយស្វ័យប្រវត្តិពី Google Play Store។

កុំប៉ះទូរសព្ទ

បើអ្នកត្រូវការបើកទូរសព្ទ មិនចង់បើក Airplane mode ខណៈពេលសាកថ្ម ដោយរំពឹងមានការហៅចូលសំខាន់ អ្នកគួររក្សាទូរសព្ទកុំប្រើរៀងរាល់ ៣០ វិនាទី។ នេះដោយសារអេក្រង់ទូរសព្ទ ជាចំនុចចំណាយថាមពលថ្មធំបំផុត។