រឿង សោភ័ណ្ឌ ទទួលប្រាក់ឧបត្ថម្ភមួយចំនួនមុនចេញទៅប្រកួតនៅបារាំងថ្ងៃសុក្រនេះ
- 2018-04-03 02:01:56
- ចំនួនមតិ 0 | ចំនួនចែករំលែក 0
រឿង សោភ័ណ្ឌ ទទួលប្រាក់ឧបត្ថម្ភមួយចំនួនមុនចេញទៅប្រកួតនៅបារាំងថ្ងៃសុក្រនេះ
ចន្លោះមិនឃើញ
សហព័ន្ធប្រដាល់គុនខ្មែរ រួមទាំងមន្ត្រីមួយចំនួនដូចជា ឧកញ្ញា ស្រី ចាន់ថន ជួបសំណេះសំណាល ផ្ដល់យោបល់ដល់កីឡាករ រឿង សោភ័ណ្ឌ និងឧបត្ថម្ភប្រាក់មួយចំនួនសម្រាប់ប្រើប្រាស់នៅពេលចេញដំណើរនាថ្ងៃសុក្រនេះ។
ឯកឧត្តម្ភ តែម ម៉ឺន ប្រធានសហព័ន្ធគុនខ្មែរ បានឲ្យដឹងថា ម្សិលមិញនេះជាកម្មវិធីជួបសំណេះសំណាល និងលើកទឹកចិត្តដល់កីឡាករកម្ពុជា រឿង សោភ័ណ្ឌ ដើម្បីជាការត្រៀមខ្លួនឲ្យបានល្អក្នុងការចេញទៅប្រកួតនៅអន្តរជាតិ។
ប្រធានសហព័ន្ធរូបនេះបន្ថែមថា ដោយមានការស្នើសុំពីសហព័ន្ធប្រដាល់គុនខ្មែរនៅប្រទេសបារាំង សុំយកកីឡាករដែលមានសមត្ថភាពមួយចំនួន ជាពិសេស «សោភ័ណ្ឌ» នេះតែម្ដង ដើម្បីចូលរួមប្រកួតនៅទីនោះ។ នេះក៏ជាការព្យាយាមពង្រីកវិស័យប្រដាល់គុនខ្មែរ ឲ្យរឹតតែមានភាពរីកចម្រើនលើឆាកអន្តរជាតិបន្ថែមទៀត។
កម្មវិធីសំណេះសំណាល និងឧបត្ថម្ភដល់កីឡាករ រឿង សោភ័ណ្ឌ ម្សិលមិញនេះ ធ្វើឡើងនៅសហព័ន្ធប្រដាល់គុនខ្មែរក្នុងពហុកីឡដ្ឋានជាតិ នាពេលនោះផងដែរមានថវិកាផ្ទាល់ពីសហព័ន្ធ ថវិកាពីលោកឧកញ្ញា ស្រី ចាន់ថន និងមន្ត្រីមួយចំនួនទៀត។ អ្នកប្រដាល់របស់កម្ពុជារូបនេះ នឹងត្រូវចាក់ចេញថ្ងៃយប់ថ្ងៃសុក្រនេះហើយរហូតដល់ចុងខែ៦ ឆ្នាំ២០១៨ ទើបត្រលប់មកវិញ៕