Intel Core i9 ចេញហើយ តែតម្លៃវិញកុំលូកឲ្យសោះ

2018-04-03 10:49:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Intel បានបញ្ចេញCPU ប្រភេទថ្មី សម្រាប់កុំព្យូទ័រយួរដៃជាប្រភេទឈីបត្រកូល i គឺ Intel Core i9។ មិនខុសពីឈីបម៉ូដែលតែមួយ ដែលប្រើនៅលើ Desktop ឡើយគឺ Intel Core i9 ជា CPU 6 cores ជាមួយ hyper-thread ដល់ទៅ 12 cores និងមានល្បឿន Clock speed ដល់ទៅ 4.8GHz ហើយមានសីតុណ្ហភាពត្រឹមតែ ៥៨ អង្សាសេ តែប៉ុណ្ណោះពេលប្រើប្រាស់។

Asus ROG G703 ជា Laptop មួយដែលនឹងប្រើឈីប Intel Core i9

CPU ថ្មីនេះមានលេខម៉ូដែល 8950HK ដែលខាង Intel បានបញ្ជាក់ថា វាមានល្បឿនលឿនជាង CPU ជំនាន់ចុងក្រោយ ដល់ទៅ ២៩ភាគរយ។ វាមានទំហំ ១៤ណាណូម៉ែត្រ ជាប្រភេទ Coffee Lake architecture។

បើប្រៀបធៀបនឹងឈីប Intel Core i7-7820HK នោះ Intel Core i9-8950HK មានល្បឿនលឿនជាងដល់ទៅ ៥៩ភាគរយឯណោះ ក្នុងការកាត់តវីដេអូ 4K។ មិនត្រឹមតែប៉ុណ្ណោះ Intel Core i9 មកជា Unlocked version តែម្ដង ដែលអាចឲ្យអ្នក overclock រហូតដល់លើ 5GHz ទៀតផង។

និយាយតាមត្រង់ទៅ Intel Core i9 គឺមិនមែនជា CPU សម្រាប់មនុស្សរាល់គ្នាឡើយ ដោយសារតែតម្លៃដ៏ថ្លៃកប់ក្ដោងរបស់វា។ ក៏ប៉ុន្តែ សម្រាប់អ្នកដែលមានការងារខាង Render ដូចជា Graphic Designer ឬក៏ Gamer ដែលចង់សាកល្បង CPU ថ្មីដែលមានតម្លៃថ្លៃ និងសមត្ថភាពស្មើឈីបកំពូល Intel Xeon ទៀតនោះ អាចសាកល្បងជាមួយ Intel Core i9 processor ជំនាន់ចុងក្រោយនេះបាន។