យ៉ាស! Justin Bieber ក្ដៅស្លឹកត្រចៀក ពេលដឹងថា The Weeknd សុខចិត្តឲ្យសរីរាង្គសំខាន់ទៅ Selena

2018-04-03 12:38:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយពីបានឮថា The Weeknd ឲ្យតំរុយតាមរយៈបទចម្រៀងថ្មី "The Call Out My Name" ថាហ៊ានលះបង់ក្រលៀនឲ្យទៅអតីតមិត្តស្រី Selena Gomez តារាចម្រៀង Justin Bieber ក៏ក្ដៅស្លឹកត្រចៀកភ្លាម ។ នេះបើតាមការដឹងពីប្រភពជិតស្និទ្ធនឹងតារាចម្រៀង Justin តែម្ដង។

ប្រភពជិតស្និទ្ធនឹងតារាសង្ហា Justin Bieber បានឲ្យដឹងទៀតថា "Justin និយាយថា បទចម្រៀងរបស់ The Weeknd នេះគឺក្មេងខ្ចី ដែលធ្វើឲ្យម្ចាស់បទចម្រៀងរឹតតែមើលទៅយ៉ាប់តែម្ដង។"

ជាក់ស្ដែង Justin ពិតជារអើមនឹងការសារភាពតាមរយៈបទចម្រៀង "The Call Out My Name" របស់អតីតមិត្តប្រុស របស់ Selena ណាស់។ នេះជាការអះអាងពីប្រភពស្និទ្ធនឹងតារាចម្រៀង Justin ។

រឹតតែពិសេស ប្រភពពីខាងក្នុងរូបនេះ ថែមទាំងហ៊ានបញ្ជាក់ថា " Justin គឺជាបុគ្គលតែម្នាក់គត់ដែលនៅជួយទុក្ខធុរៈ Selena និងហ៊ានលះបង់ក្រលៀនរបស់ខ្លួនឲ្យទៅ Selena បើទោះជាគូស្នេហ៍មួយនេះមិននៅជាមួយគ្នាកាលពីអតីតកាល បច្ចុប្បន្នកាល ឬអនាគតកាលក៏ដោយ។"

គួរបញ្ជាក់ផងដែរថា មិនត្រឹមតែអតីតមិត្តប្រុសរបស់ Selena ទាំងពីរនេះទេ ដែលហ៊ានលះបង់ក្រលៀនឲ្យទៅតួឯកស្រី Selena តែកន្លងទៅ ក៏មានមិត្តសម្លាញ់របស់នាងគឺតារាសម្ដែង Francia Raisa បានហ៊ានបរិច្ចាគក្រលៀនឲ្យនាងដែរ៕

ប្រភព៖ Hollywoodlife ប្រែសម្រួល៖ ម៉េង សុខហួយ