ជិតដល់ថ្ងៃអង្គរសង្រ្កាន្តហើយ តិចអត់ដឹងឆ្នាំនេះមានអីពិសេសប្លែកពីឆ្នាំមុន?

2018-04-06 09:12:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹត្តិការណ៍អង្គរសង្ក្រាន្ត ដែលប្រព្រឹត្តិទៅនៅទឹកដីខេត្តសៀមរាបសល់ពេលមិនដល់ប៉ុន្មានថ្ងៃទៀតនោះទេ។ ផ្ទាំងទស្សនីយភាពវប្បធម៌ច្រើនទម្រង់ និងការកម្សាន្តជាច្រើនទៀត នឹងបង្កើតបរិយាកាសរីករាយសម្រាប់អ្នកដែលបានមកទស្សនា។ ចុះប្រិយមិត្តដឹងទេថា ព្រឹត្តិការណ៍ឆ្នាំនេះមានអ្វីពិសេសខ្លះ និងប្លែកពីឆ្នាំមុនៗ។

តាមប្រភពព័ត៌មានពីអ្នករៀបចំកម្មវិធីអង្គរសង្ត្រាន្ត ដែល Sabay ទទួលបានឲ្យដឹងថា៖

របស់យក្សដ៏ធំបំផុតនៅក្នុងព្រឹត្តិការណ៍នោះគឺបង្កើត "មុខហនុមានយក្ស"
ឆ្នាំនេះ អង្គរសង្ត្រាន្តនឹងរៀបចំរយៈពេល៤ថ្ងៃ ចាប់ពីថ្ងៃទី ១៣ ដល់ ១៦ មេសា
បន្ថែមកម្មវិធីពិសេសៗ២ សរុបចំនួន ១៧ រួមមាន កម្មវិធីព្រៃប្រសិទ្ធី សហស្សវិចិត្រវាយនា និងកម្មវិធីផ្សេងៗទៀត
យុវជនស្ម័គ្រចិត្តប្រមាណជិត ៤៣០០នាក់ ចាំជួយសម្រួលកម្មវិធី ដែលរៀបចំនៅបរិវេណមុខប្រាសាទអង្គរវត្ត លានជល់ដំរី បរិវេណអង្គរឃ្យុងយូ តំបន់ផាប់ស្ទ្រីត និងសួនច្បារព្រះរាជដំណាក់។

គួររំឭកថា ព្រឹត្តិការណ៍អង្គរសង្ក្រាន្តឆ្នាំ ២០១៧ បានស្រូបភ្ញៀវទេសចរជាតិ និងអន្តរជាតិប្រមាណ ១,៦លាននាក់ និងរកចំណូលចូលចរន្តសេដ្ឋកិច្ចខេត្តសៀមរាបសរុប ៩៥លានដុល្លារ ដោយគិតជាមធ្យមភ្ញៀវទេសចរជាតិ ចាយប្រាក់ប្រមាណ ៥០ ដុល្លារក្នុងម្នាក់ រីឯភ្ញៀវទេសចរអន្តរជាតិវិញចាយប្រាក់ប្រមាណជា៥០០ដុល្លារក្នុងមនុស្សម្នាក់។ នេះបើយោងតាមរបាយការណ៍ចេញផ្សាយដោយក្រសួងទេសចរណ៍៕

អត្ថបទ៖ ស៊ិន សាវ៉េត