អង្គរសង្រ្កាន្តសល់តែ៤ថ្ងៃទៀតទេ ទៅលេងម្ដងសប្បាយឲ្យណាណី តែកុំភ្លេចរបស់សំខាន់អស់នេះ
- 2018-04-09 05:16:38
- ចំនួនមតិ 0 | ចំនួនចែករំលែក 0
អង្គរសង្រ្កាន្តសល់តែ៤ថ្ងៃទៀតទេ ទៅលេងម្ដងសប្បាយឲ្យណាណី តែកុំភ្លេចរបស់សំខាន់អស់នេះ
ចន្លោះមិនឃើញ
ព្រឹត្តិការណ៍អង្គរសង្រ្កាន្តប្រចាំឆ្នាំ ២០១៨ ដែលនឹងប្រព្រឹត្តនៅលើទឹកដីអង្គរខេត្តសៀមរាប កំពុងខិតជិតមកដល់ក្នុងសប្ដាហ៍នេះហើយ ពោលគឺរយៈពេល០៤ថ្ងៃចាប់ពីថ្ងៃទី ១៣ ដល់ ១៦មេសា។ ចុះប្រិយមិត្តដែលមានបំណងទៅលេងព្រឹត្តិការណ៍ដ៏ធំមួយនេះ បានត្រៀមរបស់របររួចរាល់ហើយនៅ? បើមិនទាន់ទេ Sabay សូមណែនាំ របស់សំខាន់ៗ លោកអ្នកមិនគួរភ្លេចដាច់ខាត។
មុនថ្ងៃទៅអង្គរសង្រ្កាន្ត
- ថវិកា
កាលពីឆ្នាំ ២០១៧ ភ្ញៀវទេសចរខ្មែរម្នាក់ទៅលេងព្រឹត្តិការណ៍អង្គរសង្ក្រាន្ត ចំណាយ ៥០ដុល្លារក្នុងម្នាក់។ នេះបើតាមស្ថិតិពីក្រសួងទេសចរណ៍។ ដូច្នេះ លោកអ្នកគួរលៃលកថវិកាឲ្យសមល្មមសម្រាប់ចាយផ្ទាល់ខ្លួន។
- កក់កន្លែងគេង
កក់បន្ទប់គេងឲ្យហើយ មុនទៅដល់ ព្រោះតម្លៃបន្ទប់នៅក្នុងថ្ងៃពិធីបុណ្យ អាចនឹងប្រែប្រួលខ្លាំង ហេតុនេះ ដើម្បីសប្បាយដោយសុវត្ថិភាព សូមកុំរំលងរឿងនេះផង។
- កក់មធ្យោបាយធ្វើដំណើរ
លោកអ្នកកក់មធ្យោបាយធ្វើដំណើរ ដូចជាសំបុត្រឡានឲ្យហើយ ព្រោះបើចាំដល់ថ្ងៃចេញដំណើរទៅសៀមរាមតែម្ដងនោះ កន្លែងអង្គុយអាចនឹងពេញ ឬតម្លៃសំបុត្រអាចនឹងឡើងថ្លៃខ្ពស់ក៏ថាបាន៕
- សម្ភារៈប្រើប្រាស់ផ្ទាល់ខ្លួននៅថ្ងៃពិធីអង្គរសង្រ្កាន្ត
ក្រមាបង់កអាចប្រើប្រាស់បានច្រើនប្រភេទ ដូចជាទូលហាលថ្ងៃ ជូតមុខ និង បង់កជាដើម
វ៉ែនតាការពារកម្ដៅថ្ងៃប្រើសម្រាប់ការពារភ្នែករបស់អ្នកពីពន្លឺចាំងដ៍ខ្លាំងរបស់ព្រះអាទិត្យ
គួរមានប្រេងខ្យល់ ប្រេងក្រឡាភ្ជាប់ជាមួយខ្លួនផង
កុំភ្លេចឲ្យសោះដបទឹក ហើយបើអាច សូមប្រើប្រាស់ដបទឹក មិនមែនប្លាស្ទិក ដើម្បីបរិស្ថានស្អាតទាំងអស់គ្នា
ដងសែលហ្វី (Selfie-Stick) ទៅដល់ទឹកអង្គរភ្លាម អ្នកមិនអាចភ្លេចឡើយ ការថតរូបដើម្បីរក្សាទុកជាអនុស្សាវរីយ៍
Power Bank សម្រាប់សាកថ្ម និងរបស់សំខាន់ៗផ្ទាល់ខ្លួនមួយចំនួនទៀត៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
