Spurs តវ៉ាទៅ Premier League ឲ្យរាប់គ្រាប់ទីពីរទល់ Stoke ឲ្យទៅ Kane
- 2018-04-10 01:06:19
- ចំនួនមតិ 0 | ចំនួនចែករំលែក 0
Spurs តវ៉ាទៅ Premier League ឲ្យរាប់គ្រាប់ទីពីរទល់ Stoke ឲ្យទៅ Kane
ចន្លោះមិនឃើញ
Tottenham Hotspur បានប្ដឹងឧទ្ធរណ៍ទៅគណៈកម្មការរៀបចំការប្រកួតលីគកំពូលអង់គ្លេស រឿងគ្រាប់បាល់របស់ខ្សែប្រយុទ្ធ Harry Kane។
ក្រុមរហស្សនាមថាមាន់ខ្នាយមាសបានយកឈ្នះ Stoke City ២ទល់នឹង១ កាលពីសប្ដាហ៍មុនស៊ុតបញ្ចូលទីដោយ Christian Eriksen និង Harry Kane។ យ៉ាងណាគ្រាប់ទីពីរត្រូវ Premier League ផ្ដល់ឲ្យ Eriksen វិញដោយសារខ្សែប្រយុទ្ធរូបនេះជាអ្នកលើកបាល់ Free Kick ចូលទីហើយមិនច្បាស់ថាបានប៉ះក្បាលរបស់ Kane ឬក៏អត់នោះទេ។
បណ្ដឹងរបស់ Spurs ធ្វើឲ្យ Premier League ពិនិត្យគ្រាប់ទីពីរនោះម្ដងទៀត ហើយបើគេផ្ដល់ឲ្យទៅ Harry Kane មានន័យថាខ្សែប្រយុទ្ធសញ្ជាតិអង់គ្លេសនឹងកើតចំនួនគ្រាប់បញ្ចូលទីដល់២៥ ចាញ់ Mohamed Salah ដែលនាំមុខក្នុងតារាងស្បែកជើងមាសចំនួន៤គ្រាប់៕