ទីបំផុតមុខហនុមានយក្សដំបូងបង្អស់ បង្ហាញខ្លួនហើយ

2018-04-10 02:47:44
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបភាពប៉ុន្មានសន្លឹកពីឯកឧត្ដម សុខ សង្វារ អគ្គនាយករងអាជ្ញាធរជាតិអប្សរា បានឲ្យដឹងថា មុខហនុមានយក្សដំបូងបង្អស់ ដើម្បីតាំងបង្ហាញក្នុងព្រឹត្តិការណ៍អង្គរសង្ក្រាន្ត នៅលើទឹកដីអង្គរបានរចនារួចរាល់ហើយ។

មុខហនុមានយក្សត្រៀមបើកក្រណាត់នៅព្រឹកស្អែក(រូបភាពហ្វេសប៊ុក ឯកឧត្ដម សុខ សង្វារ)

មុខហនុមានយក្សនេះ នឹងត្រូវដាក់តាំងបង្ហាញក្នុងបរិវេណភូមិខ្ញុំ នៃព្រឹត្តិការណ៍អង្គរសង្ក្រាន្ត និងត្រូវរៀបចំកម្មវិធីបើកព្រះនេត្រជាផ្លូវការនៅព្រឹកស្អែកនេះ។ នេះបើតាមការបញ្ជាក់បន្ថែម ពីអគ្គនាយករងអាជ្ញាធរជាតិអប្សរា។

មុខហនុមានដើម្បីធ្វើពិធីសែនព្រែន((រូបភាពហ្វេសប៊ុក ឯកឧត្ដម សុខ សង្វារ)

កន្លងមកឯកឧត្ដម សុខ សប្បាយណា ប្រធានលេខាធិការដ្ឋានក្រុមប្រតិបត្តិនៃព្រឹត្តិការណ៍អង្គរសង្រ្កាន្តឆ្នាំ២០១៨ បានឲ្យដឹងថា មូលហេតុសំខាន់ដែលជ្រើសរើសហនុមានធ្វើជារបស់យក្ស ជាវត្ថុតំណាងព្រឹត្តិការណ៍ប្រវត្តិសាស្ត្រនេះ គឺដើម្បីលើកស្ទួយល្ខោនខោល ជាសម្បត្តិវប្បធម៌ដ៏ថ្លៃថ្លារបស់ដូនតាខ្មែរ។ ជាពិសេសស្របនឹងប្រធានបទដែលកំណត់យកឆ្នាំនេះ គឺ៖ «សាទរមរតកដូនតា»។

សូមជម្រាបជូនថា អង្គរសង្រាន្តឆ្នាំ២០១៨ នឹងប្រព្រឹត្តិទៅចាប់ពីថ្ងៃទី១៤ រហូតដល់ថ្ងៃទី ១៧ ខែមេសា ឆ្នាំ២០១៨ នៅលើទឹកដីខេត្តសៀមរាប៕