កំណត់ត្រាចាប់អារម្មណ៍មួយចំនួនក្នុងប្រកួតរវាង Man City និង Liverpool
- 2018-04-11 02:54:06
- ចំនួនមតិ 0 | ចំនួនចែករំលែក 0
កំណត់ត្រាចាប់អារម្មណ៍មួយចំនួនក្នុងប្រកួតរវាង Man City និង Liverpool
ចន្លោះមិនឃើញ
Liverpool បានផ្ដួល Manchester City ១ទល់នឹង២ក្នុងការប្រកួត UEFA Champions League វគ្គ៨ក្រុមចុងក្រោយជើងទីពីរ ធ្វើឲ្យលទ្ធផលទាំងពីរជើងពួកគេឈ្នះ ៥-១។
ការប្រកួតនៅកីឡដ្ឋាន Etihad កាលពីយប់មិញ Mohamed Salah និង Roberto Firmino បានក្លាយជាវីរបុរសស៊ុតបញ្ចូលម្នាក់មួយគ្រាប់ឲ្យហង្សក្រហមទទួលជោគជ័យនៅនាទី ៥៦ និង៧៧ ខណៈ ១គ្រាប់របស់ City ស៊ុតបញ្ចូលទីតាំងពីដើមវគ្គទីមួយនាទី ទី២ដោយ Gabriel Jesus។
ក្រោយបញ្ចប់វគ្គពាក់កណ្ដាលផ្ដាច់ព្រ័ត្រយប់មិញមានកំណត់ត្រាគួរឲ្យចាប់អារម្មណ៍មួយចំនួនកើតឡើងរវាងក្រុមទាំងពីរ៖
១. Liverpool ឡើងវគ្គពាក់កណ្ដាលផ្ដាច់ព្រ័ត្រ European Cup/Champions League ១០លើក មានតែ Manchester United ប៉ុណ្ណោះដែលធ្លាប់ឡើងបានច្រើនជាង (១២លើក)។
២. Pep Guardiola ក្នុងនាមជាអ្នកចាត់ការបានដឹកនាំក្រុមឡើងវគ្គពាក់កណ្ដាលផ្ដាច់ព្រ័ត្រ៧រដូវកាលជាមួយ Barcelona និង Bayern Munich តែខកខាន២រដូវកាលចុងក្រោយជាមួយ Man City។
៣. Liverpool គឺជាក្រុមដំបូងដែលអាចផ្ដួលក្រុមដែលដឹកនាំដោយ Pep ៣ដងក្នុង១រដូវកាល។
៤. Jurgen Klopp បានយកឈ្នះ Pep Guardiola ៧ដងច្រើនជាងអ្នកចាត់ការណាទាំងអស់។
៥. Pep ចាញ់៣ប្រកួតជាប់គ្នាលើកដំបូងគិតចាប់ពីខែឧសភា ឆ្នាំ២០១៥មក ជំនាន់ដឹកនាំ Bayern។
៦. Roberto Firmino និង Mohamed Salah ស៊ុតបញ្ចូលទីម្នាក់៨គ្រាប់ឲ្យ Liverpool នៅ Champions League រដូវកាលនេះច្រើនជាងកីឡាករណាទាំងអស់ក្នុងប្រវត្តិសាស្ត្ររបស់ក្លឹប។
៧. Gabriel Jesus ស៊ុតបញ្ចូលទី៣គ្រាប់ក្នុងការបង្ហាញខ្លួន៣ដងទល់នឹង Liverpool គិតលើគ្រប់កម្មវិធី។
៨. Liverpool ស៊ុតបញ្ចូលទី៣៣គ្រាប់នៅ Champions League រដូវកាលនេះ ជាចំនួនច្រើនបំផុតដែលក្លឹបមកពីអង់គ្លេសធ្លាប់ធ្វើបាន៕