វិបសាយកក់សំបុត្រយន្តហោះដំបូងគេរបស់ខ្មែរ តម្លៃ និងជម្រើសមានម៉ាអេម

2018-04-11 07:40:28
ចំនួនមតិ 0 | ចំនួនចែករំលែក 0

ចន្លោះមិនឃើញ

តម្លៃស្មើ ឬថោកជាងការទិញតាមការិយាល័យ
មានជម្រើសច្រើនប្រភេទ
ចំណាយពេលតិច និងងាយស្រួល

ក្រុមហ៊ុន Ocean View Tours & Travel បានបញ្ចេញវិបសាយកក់សំបុត្រយន្តហោះ tripcambo.com កាលពីថ្មីៗនេះ ដើម្បីផ្ដល់ភាពងាយស្រួល និងសម្រួលការចំណាយរាល់ពេលធ្វើដំណើរកម្សាន្ត។

លោក ស៊ុន ទិត្យវិសុទ្ធ នាយកគ្រប់គ្រង Ocean View Tours & Travel បាននិយាយថា៖ "បើតាមការស្រាវជ្រាវទៅ មកទល់ពេលនេះ យើងគឺជាវិបសាយកក់សំបុត្រយន្តហោះដំបូងគេហើយនៅខ្មែរ"។

នាយកគ្រប់គ្រងខាងលើ បានបន្ថែមថា តម្លៃដែលទិញ ឬកក់សំបុត្រតាមវិបសាយនេះ មិនថ្លៃជាងទិញតាមក្រុមហ៊ុនឡើយ មានតែថោក ឬស្មើ ជាពិសេសសម្រាប់អ្នកធ្វើដំណើរទៅឆ្ងាយៗ។ ឧទាហរណ៍ ធ្វើដំណើរទៅប៉ែកអឺរ៉ុបតម្រូវឲ្យទិញសំបុត្រ ២-៣ ក្រុមហ៊ុនអាកាសចរណ៍ផ្សេងគ្នា ដែលតម្លៃរាងថ្លៃបន្តិច តែបើទិញតាម tripcambo.com វិបសាយនឹងស្វែងរកក្រុមហ៊ុនណាសហការគ្នាស្រេច ធ្វើឲ្យតម្លៃធូរជាងមុនច្រើន ហើយតម្លៃដែលបង្ហាញឲ្យឃើញ គឺតម្លៃផ្អែកលើទីផ្សារជាក់ស្ដែង។

ក្រៅពីមានក្រុមហ៊ុនអាកាសចរណ៍ច្រើនដែលអ្នកអាចជ្រើសរើសនៅលើវិបសាយ ការទិញបែបនេះ ក៏អាចចំណាយពេលវេលាតិចផងដែរ ដោយអ្នកគ្រាន់តែវាយបញ្ចូលទិសដៅ ជាមួយនឹងថ្ងៃខែ នឹងបង្ហាញជើងហោះហើរទាំងអស់មកជាមួយនឹងតម្លៃ។ ប៉ុន្តែបើទាក់ទងទៅខាងភ្នាក់ងារ ទេសចរ ផ្សេងៗ តម្រូវឲ្យរង់ចាំក្រុមការងារឆែកជើងហោះហើរម្ដងមួយក្រុមហ៊ុន ដែលហាក់ចំណាយពេលយូរជាង ។

ព័ត៌មានបន្ថែម ចូលទៅផេកហ្វេសប៊ុក tripcambo.com ឬវិបសាយ http://www.tripcambo.com/ ៕