Hazard ថាធ្លាក់ពី Champions League អាចជារឿងល្អរបស់ Chelsea
- 2018-04-11 07:49:56
- ចំនួនមតិ 0 | ចំនួនចែករំលែក 0
Hazard ថាធ្លាក់ពី Champions League អាចជារឿងល្អរបស់ Chelsea
ចន្លោះមិនឃើញ
Eden Hazard បានព្យាយាមស្វែងរកភាពវិជ្ជមានពីរដូវកាលដ៏យ៉ាប់យ៉ឺនរបស់ Chelsea និងពន្យល់ពីការធ្លាក់ចេញពី Champions League មិនមែនជារឿងអាក្រក់ទាំងស្រុងទេ។
ក្រុមរហស្សនាមថាតោខៀវបានធ្លាក់ចេញពី Champions League នឹងប្រឈមមុខហានិភ័យគ្មានកៅអីសម្រាប់ដំណែង Top 4 ខណៈពួកគេកំពុងឈរលេខ៥ ចាញ់លេខ៤ Tottenham Hotspur រហូត ១០ពិន្ទុ។
យ៉ាងណាខ្សែប្រយុទ្ធសញ្ជាតិបែលហ្សិកមើលឃើញថាអវត្តមានពី UCL អាចជារឿងល្អសម្រាប់ Chelsea ក្នុងការដណ្ដើមពាន FA Cup។ "ខ្ញុំសង្ឃឹមថាអ្នកគាំទ្រ និងពួកយើងអាចជោគជ័យអ្វីមួយផ្សេង។ ពួកយើងនៅមាន FA Cup ហើយត្រូវយកពាននោះមក Stamford Bridge"។
"នៅពេលដែលលេងឲ្យ Chelsea អ្នកតែងតែចង់បង្ហាញសមត្ថភាពនៅ Champions League ជារឿងរាល់ឆ្នាំ ប៉ុន្តែឆ្នាំមុនយើងអវត្តមាន ហើយបានឈ្នះជើងឯកលីគអង់គ្លេស ដូច្នេះទើបខ្ញុំនិយាយថា ពេលខ្លះរឿងដែលយើងគិតថាអាក្រក់ អាចជារឿងល្អទៅវិញទេ"។ តារាឆ្នើមវ័យ២៦ឆ្នាំនិយាយដូច្នេះ៕