ទើបឡើងវគ្គពាក់កណ្ដាលផ្ដាច់ព្រ័ត្រ Marcelo បោះពាក្យថា Real មិនដូច Barca
- 2018-04-12 11:08:07
- ចំនួនមតិ 0 | ចំនួនចែករំលែក 0
ទើបឡើងវគ្គពាក់កណ្ដាលផ្ដាច់ព្រ័ត្រ Marcelo បោះពាក្យថា Real មិនដូច Barca
ចន្លោះមិនឃើញ
ខ្សែការពារស្លាប Marcelo ក្នុងថ្ងៃនេះ បាននិយាយថា អ្វីដែលកើតឡើងលើ Barcelona នឹងមិនកើតឡើងលើ Real Madrid ឡើយ។
កីឡាករប្រេស៊ីល បានថ្លែងប្រាប់អ្នកសារព័ត៌មានថា៖ "ក្នុងការប្រកួតប្រភេទអ៊ីចឹង យើងគួរខិតខំគ្រប់យ៉ាងតាមដែលយើងអាចធ្វើបាន ដើម្បីឡើងទៅវគ្គបន្ទាប់"។
Marcelo បានបន្តថា៖ "អ្វីដែលកើតឡើងលើ Barcelona នឹងមិនកើតមកលើយើងទេ ព្រោះយើងជា Real Madrid"។
សូមបញ្ជាក់ផងដែរថា បើទោះជាឈ្នះ ៤-១ ក្នុងប្រកួតជើងទី ១ ក៏ដោយ ក្នុងជំនួបជើងទី ២ Champions League វគ្គ ៨ ក្រុម កាលពីវេលារំលងអាធ្រាត្រថ្ងៃអង្គារកន្លងទៅ ក្លឹប Barcelona ត្រូវបានក្លឹបអ៊ីតាលី Roma វាយបកទម្លាក់ក្នុងលទ្ធផល ៣ ទល់នឹង ០។
ចំណែកឯ Real Madrid វិញ ស្ទើរតែអាចមានវាសនាដូចគ្នាទៅហើយ ក្នុងប្រកួតយប់មិញជាមួយ Juventus។ បើទោះចាញ់ ៣-០ កាលពីជើងទី ១ ក្លឹបយក្សអ៊ីតាលីបានតាមបាន ៣ គ្រាប់វិញ ក្នុងប្រកួតជើងទី ២។ ទោះជាយ៉ាងណា ការធ្វើបានសម្រេចក្នុងការស៊ុតចូលបាល់ពិន័យ ១១ ម៉ែត្ររបស់ខ្សែប្រយុទ្ធ Cristiano Ronaldo នៅចុងម៉ោង ជួយឲ្យក្លឹបយក្សអេស្ប៉ាញឡើងទៅវគ្គពាក់កណ្ដាលផ្ដាច់ព្រ័ត្រ UCL៕