“Rampage” ដណ្ដើមតំណែង "A Quiet Place” នៅ Box Office យ៉ាងប្រផឹតប្រផើយ

2018-04-16 04:05:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តបែបសត្វចម្លែករបស់ តារាសម្ដែង Dwayne Johnson គឺ "Rampage” ទទួលបានចំណាត់ថ្នាក់កំពូលលើតារាង Box Office ចុងសប្ដាហ៍នេះដោយរកចំណូលបាន ៣៤,៥លានដុល្លារ។ ចំពោះចំនួននេះគឺ ច្រើនជាងចំណូលរឿង "A Quiet Place” ក្នុងសប្ដាហ៍ទី២តែបន្តិចបន្តួចតែប៉ុណ្ណោះ។

“Rampage” គឺជាភាពយន្តដកស្រង់ចេញពីវីដេអូហ្គេមកាលពីទសវត្សទី ៨០ ដែលបង្ហាញតួអង្គ The Rock ប្រយុទ្ធជាមួយសត្វចម្លែកជាច្រើនប្រភេទ។

នេះជាបណ្ដាភាពយន្តរកចំណូលបានច្រើនជាងគេទាំង១០៖

១០. “Chappaquiddick” ប្រាក់ចំណូល ៣លានដុល្លារ

ជាភាពយន្តនិយាយអំពីហេតុការណ៍ដែលកើតឡើង នៅឆ្នាំ១៩៦៩ ដែលជាហេតុការណ៍គ្រោះថ្នាក់ចរាចរណ៍របស់អ្នកយុទ្ធសាស្ត្ររបស់លោក Ted Kennedy ឈ្មោះ Mary Jo Kopechneធ្វើឲ្យនាងបាត់បង់ជីវិត។

៩. “Acrimony” ប្រាក់ចំណូល ៣,៧លានដុល្លារ

និយាយអំពីប្រពន្ធដ៏ស្មោះត្រង់ម្នាក់ ដែលតែងតែស្ដាប់បង្គាប់និងធ្វើអ្វីតាមប្ដី បែរជាប្រែជាស្រ្ដីដ៏ខ្លាំងពូកែម្នាក់ដើម្បីស្វែងរកយុត្តិធម៌ឲ្យខ្លួនឯងក្រោយដឹងថាប្ដីខ្លួនកំពុងតែក្បត់។

៨. “I Can Only Imagine” ប្រាក់ចំណូល ៣,៨លានដុល្លារ

ជាភាពយន្តនិយាយអំពីរឿងរ៉ាវពិតរបស់បទចម្រៀង "I Can Only Imagine" របស់ក្រុមចម្រៀង MercyMe ដ៏ល្បីមួួនិយាយអំពីថាមពលនៃការលើកលែងទោស។

៧. “Isle of Dogs” ប្រាក់ចំណូល ៥លានដុល្លារ

និយាយអំពីដំណើរផ្សងព្រេងរបស់ក្មេងប្រុសជនជាតិជប៉ុនម្នាក់ ស្វែងរកឆ្កែរបស់ខ្លួនដែលបាត់។

៦. “Black Panther” ប្រាក់ចំណូល ៥,៣លានដុល្លារ

ជាភាពយន្តថ្មីពីផលិតកម្ម Marvel បង្ហាញពីដំណើរសាច់រឿងរបស់ T'Challa ស្ដេចនៃរាជាណាចក្រអាថ៌កំបាំង Wakanda ដែលប្រកបទៅដោយបច្ចេកវិទ្យាទំនើបៗ និងត្រូវប្រឈមមុខនឹងការដណ្ដើមអំណាចនៃជនខាងក្រៅម្នាក់ ដែលកើតមកពីកំហុសរបស់ឪពុក T'Challa។

៥. “Blockers” ប្រាក់ចំណូល ១០,៣លានដុល្លារ

ឪពុកម្ដាយបីគូ ព្យាយាមបញ្ឈប់កូនស្រីខ្លួនកុំឲ្យរួមភេទនៅក្នុងរាត្រី Prom Night។

៤. “Ready Player One” ប្រាក់ចំណូល ១១,២លានដុល្លារ

នៅពេលដែលកំពូលអ្នកផលិតពិភព VR ហៅថា the OASIS បាត់បង់ជីវិត លោកបានបញ្ចេញវីដេអូមួយដែលចង់ឲ្យអ្នកប្រើប្រាស់ OASIS ទាំងអស់ស្វែងរកវត្ថុមួយឈ្មោះថា Easter Egg ដែលអាចឲ្យអ្នកឈ្នះនោះទទួលបានទ្រព្យសម្បត្តិរបស់លោក។

៣. “Truth or Dare” ប្រាក់ចំណូល ១៩,១លានដុល្លារ