ចំណុចត្រូវដឹងបើមិនចង់ឲ្យឆ្លងជំងឺ នៅពេលឲ្យត្រីម៉ាស្សាបាតជើង
- 2018-04-16 05:22:08
- ចំនួនមតិ 0 | ចំនួនចែករំលែក 0
ចំណុចត្រូវដឹងបើមិនចង់ឲ្យឆ្លងជំងឺ នៅពេលឲ្យត្រីម៉ាស្សាបាតជើង
ចន្លោះមិនឃើញ
ប្រសិនបើមានបំណងចង់ឲ្យត្រីម៉ាស្សាបាតជើង អ្នកត្រូវប្រុងប្រយ័ត្នពីគ្រោះថ្នាក់សុខភាព ត្រូវប្រាកដថាជើងរបស់អ្នកគ្មានដំបៅ ឬ ពងបែក ដែលពពួកអតិសុខុមប្រាណ ងាយនឹងជ្រៀបចូល ហើយបង្កជាបាក់តេរីនៅក្នុងខ្លួនមនុស្ស។ នេះបើតាម Channel News Asia ទើបបានចុះផ្សាយ។
“ប្រសិនបើត្រីផ្ទុកបាក់តេរី នោះវានឹងមានហានិភ័យ នៅពេលកូនត្រីទាំងនោះមកបិចបាតជើងដំបៅរបស់អ្នក បាក់តេរីនឹងត្រូវបានបញ្ជូនតាមរយៈស្បែក។ ឱកាសចម្លងរោគក៏អាចកើតឡើងបានដូចគ្នាដែរ ប្រសិនបើត្រីមានដំបៅ” នេះបើតាមវេជ្ជបណ្ឌិត Nisha Suyien Chandran ប្រធានការិយាល័យ នៃជម្ងឺសើស្បែក នៅសាកលវិទ្យាល័យជាតិសុខាភិបាលរបស់ប្រទេសសឹង្ហបុរី ដកស្រង់ដោយ តាម Channel News Asia។
តើអាចមានហានិភ័យផ្សេងទៀតឬអត់ក្រៅពីជម្ងឺខាងលើ?
នៅក្នុងអត្ថបទកាសែត Daily Mail ដែលបានចេញផ្សាយក្នុងឆ្នាំ ២០១១ អ្នកជំនាញផ្នែកសុខភាពរបស់ចក្រភពអង់គ្លេសបានព្រមានថាគ្រោះថ្នាក់នៃការឆ្លងមេរោគរលាកថ្លើម និងមេរោគអេដស៍បើទោះជាភាគរយនៃការឆ្លងមានកម្រិតទាបក្តី ប៉ុន្តែលទ្ធភាពនៃការឆ្លងនៅតែមាន។ ប្រភពខាងលើបន្ត។
“ប្រសិនបើអតិថិជនម្នាក់ផ្ទុកមេរោគអេដស៍ ហើយត្រាំជើងដំបៅរបស់គេនៅក្នុងទឹក បន្ទាប់មកអតិថិជនម្នាក់ទៀតដែលមានរបួសទៅបន្ទាប់ ជាទ្រឹស្តី គេក៏អាចឆ្លងរោគបានដែរ។ យ៉ាងណាក្តី ការឆ្លងនៅមានកម្រិតទាប”។ វេជ្ជបណ្ឌិត Chandran បន្ថែម។
ការស្ប៉ាដោយត្រី ត្រូវបានហាមឃាត់តាមបណ្តារដ្ឋមួយចំនួននៅ សហរដ្ឋអាមេរិករួមមាន៖ រដ្ឋផ្លរីដា រដ្ឋតិចសាស់ ញូហាំស៊ៀ និង វ៉ាស៊ីនតោន។ មជ្ឈមណ្ឌលត្រួតពិនិត្យនិងបង្ការជំងឺ (The Centers for Disease Control and Prevention ឬ ហៅកាត់ថា CDC) របស់សហរដ្ឋអាមេរិច យល់ស្របថាត្រីស្ប៉ា នៅពេលដែលអតិថិជនប្រើពីម្នាក់ទៅម្នាក់ទៀត គឺគ្មានសុវត្ថិភាពឡើយ។ ប្រភពខាងលើបានបន្ថែម៕