និយាយឌឺដដែលៗពេក ជើងខ្លាំងខ្មែរ២រូប ចេញមុខប្រកាសចង់ប៉ះ Saensatharn
- 2018-04-18 02:12:01
- ចំនួនមតិ 0 | ចំនួនចែករំលែក 0
និយាយឌឺដដែលៗពេក ជើងខ្លាំងខ្មែរ២រូប ចេញមុខប្រកាសចង់ប៉ះ Saensatharn
ចន្លោះមិនឃើញ
Saensatharn តារា Thai Fight បានដុតភ្លើងបន្ថែមទៀតហើយ ដោយបានបង្ហោះវីដេអូមួយ ផ្ញើដល់អ្នកគាំទ្រប្រដាល់កម្ពុជា ថាចង់ឱ្យរូបគេជួបជាមួយជើងខ្លាំងកម្ពុជាខ្លាំងណាស់មែនទេ។
ក្នុងវីដេអូនោះដែរ តារាប្រដាល់ថៃរូបនេះមុននឹងនិយាយបានហាត់ទាត់ប៉ុន្មានជើង និងបោះមួយកែង ហើយបែរមុខមកនិយាយឌឺដងដល់កីឡាករខ្មែរ ថាចង់ជួបគេខ្លាំងប៉ុណ្ណា។ ទន្ទឹមគ្នានោះដែរ អ្នកស្រលាញ់ក្បាច់គុនបុរាណខ្មែរជាច្រើននាក់បាន Share វីដេអូនោះ ហើយ Tag ឈ្មោះអ្នកប្រដាល់ល្បីៗនៅកម្ពុជាច្រើន។
ក្នុងនោះដែរ កែវ រំចង់ ដែលបងប្អូនស្គាល់ហើយថាជាអ្នកប្រដាល់មិនចេះខ្លាចនរណានោះ បាននិយាយជាថ្មីស្វាគមន៍ជានិច្ចចំពោះវត្តមានកីឡាករថៃខាងលើ ឱ្យតែរូបគេហានវៃ កែវ រំចង់ មិនខ្លាចនឹងទទួលព្រមប្រកួតនោះទេ។ ដោយនេះជាការប្រកាសជាលើកទី២ របស់អ្នកប្រដាល់នៅខេត្តបាត់ដំបងហើយ ថាខ្លួនមិនទៅខ្លាចកីឡាករ Saensatharn ឡើយ។
មុននេះទៅទៀត អ្នកលេងកែង មកពីខេត្តព្រៃវែង ធឿន ធារ៉ា ក៏បោះពាក្យសម្ដីដែរថា Saensatharn មិនមានអ្វីអស្ចារ្យទេ រូបគេមិនខ្លាចឡើយ។ បើសិនជាចង់ប្រកួតមែន អាចដាក់ពេលណាក៏បាន ធារ៉ា មិនញញើត មិនឱ្យគេមើលងាយខ្មែរជាដាច់ខាត។
អ្នកប្រដាល់ថៃ ដែលធ្លាប់មកទឹកដីអង្គរបានម្ដង និងជាកីឡាករផ្ដួល ឡុង សុវណ្ណឌឿន សន្លប់ទឹក១ ត្រូវបានអ្នកគាំទ្រកម្ពុជាផ្គត់ផ្គង់ចង់ឱ្យជួប ធឿន ធារ៉ា ។ ខណៈដែល Saensatharn ផ្ទាល់ និយាយថាប៉ះជើងខ្លាំងខ្មែររូបណាក៏បាន រូបគេទទួលបានទាំងអស់៕