ត្រាំ ប្រកាសក្តែងៗ បើពិភាក្សាជាមួយកូរ៉េខាងជើងគ្មានផ្លែផ្កា នឹងដើរចេញភ្លាម!
- 2018-04-19 01:52:13
- ចំនួនមតិ 0 | ចំនួនចែករំលែក 0
ត្រាំ ប្រកាសក្តែងៗ បើពិភាក្សាជាមួយកូរ៉េខាងជើងគ្មានផ្លែផ្កា នឹងដើរចេញភ្លាម!
ចន្លោះមិនឃើញ
ប្រធានាធិបតីអាមេរិក លោក ដូណាល់ ត្រាំ បាននិយាយប្រាប់ឲ្យដឹងថា ប្រសិនបើគម្រោងពិភាក្សារបស់ខ្លួន ជាមួយមេដឹកនាំកូរ៉េខាងជើង លោក គីម ជុងអ៊ុន មិនបានផ្លែផ្កាអី នោះលោកនឹងដើរចេញភ្លាមតែម្ដង។
នៅក្នុងសន្និសីទព័ត៌មានរួមគ្នាមួយ លោក ត្រាំ និងនាយករដ្ឋមន្ត្រីជប៉ុន លោក ស៊ីនហ្សូ អាបេ បាននិយាយថា ការដាក់សម្ពាធអតិបរមាទៅលើប្រទេសកូរ៉េខាងជើង ស្ដីពីការដកអាវុធនុយក្លេអ៊ែរត្រូវតែរក្សា។
បច្ចុប្បន្នលោក អាបេ កំពុងស្ថិតនៅឯរមណីយដ្ឋាន Mar-a-Lago របស់ប្រធានាធិបតី ត្រាំ ស្ថិតក្នុងរដ្ឋ Florida ដើម្បីពិភាក្សាគ្នា។
នៅមុននេះ លោក ត្រាំ បានបញ្ជាក់ថា នាយក CIA លោក Mike Pompeo បានធ្វើដំណើរសម្ងាត់ ទៅកាន់ប្រទេសកូរ៉េខាងជើង ដើម្បីជួប លោក គីម ជុងអ៊ុន។ ប្រធានាធិបតីអាមេរិកទី ៤៥ ខាងលើ បាននិយាយថា លោក Mike បានបង្កើតទំនាក់ទំនងល្អជាមួយមេដឹកនាំកូរ៉េខាងជើង ហើយការជួបពិភាក្សាគ្នានោះបានប្រព្រឹត្តិទៅយ៉ាងរលូន។
ក្រៅពីនេះ ប្រទេសកូរ៉េខាងជើង និងកូរ៉េខាងត្បូង ក៏កំពុងតែរៀបចំបញ្ចប់សង្គ្រាមជាផ្លូវការ នៅពេលដែលមេដឹកនាំប្រទេសទាំង ២ គឺ លោក គីម ជុងអ៊ុន និងប្រធានាធិបតី Moon Jae-in ជួបប្រជុំគ្នានៅសប្ដាហ៍ក្រោយ។
យ៉ាងណាមិញ លោក គីម ជុងអ៊ុន ត្រូវជួបជាមួយប្រធានាធិបតីអាមេរិក លោក ដូណាល់ ត្រាំ នៅក្នុងខែឧសភា ឬ មិថុនា ខណៈទីតាំងជួបគ្នានៅមិនទាន់ត្រូវបានកំណត់នៅឡើយទេ៕
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
