Matic ថាចង់លេងជាមួយ Pogba តែមិនឲ្យធ្វើរឿងមួយដាច់ខាត
- 2018-04-21 09:25:00
- ចំនួនមតិ 0 | ចំនួនចែករំលែក 0
Matic ថាចង់លេងជាមួយ Pogba តែមិនឲ្យធ្វើរឿងមួយដាច់ខាត
ចន្លោះមិនឃើញ
ខ្សែបម្រើ Nemanja Matic របស់ក្រុមបិសាចក្រហម បាននិយាយថាខ្លួនពេញចិត្តនឹងលេងជាមួយ Paul Pogba ហើយថែមទាំងឲ្យដំបូន្មានចំៗទៅកាន់កីឡាករសញ្ជាតិបារាំងថា ត្រូវតែមានទំនួលខុសត្រូវក្នុងក្រុមជាងនេះបន្តិចទៀត។
Matic បាននិយាយថា៖ "ពិតណាស់គាត់នៅក្មេងគាត់អាចលេងល្អឡើងៗ ដូចកាលពីបង្ហាញខ្លួនទល់នឹងត្រកូល [Manchester] គាត់បានបង្ហាញថាគាត់ជាកីឡាករល្អហើយកាន់តែល្អ ប្រសិនបើគាត់មានទំនួលខុសត្រូវ។ ខ្ញុំចូលចិត្តលេងជាមួយគាត់"។
នៅពេលសួរ Matic ថានឹងចម្លងម៉ូដសក់ដូច Pogba ឬ អត់? កីឡាករសញ្ជាតិ ស៊ែប បានឆ្លើយថា "ទេ ខ្ញុំមានកូនហើយ។ ប្រសិនបើខ្ញុំធ្វើដូច្នោះ កូនប្រុសខ្ញុំនឹងធ្វើតាម។ ខ្ញុំគួរតែមានម៉ូដសក់បែបសមរម្យ ដូច Gary Neville”។
Pogba ក្លាយទៅជាកីឡាករលេងល្អបំផុតសម្រាប់២ប្រកួតក្នុងចំណោម៤ប្រកួតចុងក្រោយ ស៊ុតបាន២គ្រាប់ទល់នឹង Man City និង បញ្ជូនឲ្យ Romelu Lukaku ស៊ុតលើក្រុម Bournemouth កាលពីយប់ថ្ងៃពុធ។
ភាពតានតឹងរវាង Pogba និង លោក Jose Mourinho នៅប៉ុន្មានខែចុងក្រោយនេះ ដោយសារ Pogba ជួនក្តៅជួនត្រជាក់មិនសូវស្តាប់អ្នកចាត់ការ បានធ្វើឲ្យប៉ះពាល់យ៉ាងខ្លាំងដល់ Man Utd ហើយវិវាទរវាងគ្រូសិស្សនេះ ថែមទាំងត្រូវបានភ្នាក់ងារតារាឆ្នើមវ័យ ២៥ឆ្នាំ គឺលោក Mino Raiola បានប្រលយថា Pogba មិនបានបដិសេធសំណើរចង់បានអតីតកីឡាករថ្លៃបំផុតនេះពីលោក Pep Guardiola កាលពីពេលថ្មីៗនេះឡើយ៕