Google នឹងជួយរក្សាទុកតំបន់ប្រវត្តិសាស្ត្រប្រឈមនឹងការបាត់បង់ ឲ្យមានរៀងរហូតលើអនឡាញ

2018-04-23 03:51:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Google បានចាប់ដៃគូជាមួយអង្គការមិនរកប្រាក់ចំណេញ CyArk ដែលជំនាញខាងស្កេនបែប 3D ដើម្បីជួយថែរក្សានូវតំបន់ប្រវត្តិសាស្ត្រជុំវិញពិភពលោកដែលប្រឈមនឹងការបាត់បង់ និងរងការខូចខាតដោយសារស្នាដៃមនុស្ស និង ធម្មជាតិ។

គម្រោងការជាដៃគូនេះមានឈ្មោះថា Open Hetirage ដែលនឹងប្រើបច្ចេកវិទ្យាស្កេន 3D របស់ CyArk ចាប់យកទិន្នន័យ និងរូបភាពរបស់តំបន់ប្រវត្តិសាស្ត្រមួយ ដើម្បីបង្កើតវាឡើងវិញក្នុងលក្ខណៈជាសិប្បនិម្មិត (Virtual Reality)។ ដូចនេះ គេអាចរក្សាទុកតំបន់ប្រវត្តិសាស្ត្រទាំងនោះ និងអាចមើលវាលើអនឡាញបានមិនថាតាមរយៈកុំព្យូទ័រ, ទូរសព្ទ ឬ តាមឧបករណ៍ VR នោះទេ។

Ben Kacyra អ្នកបង្កើតអង្គការ CyArk ដែលមានមូលដ្ឋាននៅរដ្ឋ California បាននិយាយថាខ្លួនមានគំនិតបង្កើតនូវអង្គការដែលជំនាញលើការគូសប្លង់បែប 3D តាមរយៈបច្ចេកវិទ្យាទំនើបនេះ ក្រោយពីបានឃើញក្រុមតាលីបង់បានបំផ្លាញរូបសំណាក់ព្រះពុទ្ធមានអាយុកាល ១៥០០ ឆ្នាំ ក្នុងទីក្រុង Bamiyan ប្រទេសអាហ្វហ្គានីស្ថាន កាលពីឆ្នាំ ២០១១។

វាជាការបំផ្លាញនូវវប្បធម៌បុរាណមួយដែល Ben ព្រួយបារម្ភ ហើយបេសកកម្មរបស់ CyArk គឺចាប់យកទិដ្ឋភាពរបស់សំណង់ និងតំបន់ប្រវត្តិសាស្ត្រ មុនពេលដែលពួកវាជួបនឹងសោកនាដកម្មបែបនេះ។

ប្រាសាទ Ananda Ok Kyaung នាទីក្រុងបាកាន ប្រទេសមីយ៉ាន់ម៉ា បានរងការខូចខាតព្រោះគ្រោះរញ្ជួយដីនៅឆ្នាំ ២០១៦។ សំណាងល្អនោះគឺ CyArk អាចថតយកទិដ្ឋភាព និងគូសប្លង់ 3D របស់តំបន់នេះមុននឹងជួបគ្រោះរញ្ជួយដី ហើយពេលនេះគេអាចបង្កើតបាននូវការទស្សនាបែប 3D នៃតំបន់នេះ។ ក្រៅតែពីប្រាសាទ Ananda Ok Kyaung នៅមានតំបន់ ២៤ ទៀតនៃប្រទេសចំនួន ១៨ ដែលគេបានស្កេនផែនទីបែប 3D រួចរាល់។

គួរដឹងថាគម្រោងការ Open Hetirage នេះនឹងត្រូវដាក់បញ្ចូលលើកម្មវិធី Google Arts and Culture ទាំងសម្រាប់ iOS និង Android ដើម្បីឲ្យអ្នកប្រើប្រាស់ទាំងឡាយបានចូលទស្សនាតំបន់ប្រវត្តិសាស្ត្រនានាបែប 3D៕

ប្រភព៖ The Verge ប្រែសម្រួល៖ សុខហេង

ពាក្យទាក់ទង

ព័ត៌មានបច្ចេកវិទ្យា Google

អត្ថបទពេញនិយម

ចិន កំពុងសាងសង់ព្រលានយន្តហោះអន្តរជាតិ នៅលើកោះសិប្បនិម្មិត ធំជាងគេ នៅលើពិភពលោក

បុរសម្នាក់នេះ ជួយជ្រោមជ្រែង ខ្មែរជាច្រើនគ្រួសារ ឱ្យបានទៅរស់នៅអាមេរិក និងជួយបង្កើតមុខរបរឱ្យទៀត

ល្បីថា តាវ មិញស៊ឺ កំពុងមានទំនាក់ទំនងពិសេសជាមួយតារាស្រីអាយុច្រើនជាង ២១ ឆ្នាំ?

តំបន់ទេសចរណ៍ ពេញនិយម ទាំង ១៥ កន្លែង សម្រាប់ដើរកម្សាន្តថ្ងៃបុណ្យ Christmas

លី តាវហួ បង្ហាញតិកនិចធ្វើឲ្យសម្រស់នៅតែសង្ហាដូចខ្ទង់ ៤០ ទោះសព្វថ្ងៃអាយុ ៦២ ក៏ដោយ

តាមពិត នៅអាមេរិក មានទីក្រុងមួយ ឈ្មោះថា "ទីក្រុងខ្មែរ - Cambodia Town"

អត្ថបទថ្មី

ស្គាល់ ពស៊ាង តាមរយៈបទអ្វី? ១០បទនេះធានាថាស្ដាប់ហើយ គេងញញឹមតែម្នាក់ឯង ទោះអត់គូក៏ដោយ

Kep Music City «សូរសំឡេងនៃតន្ត្រីនៅទីក្រុងកែប»ប្រារព្ធខួបមួយខែនៃភាពជោគជ័យ៖ ការបង្កើតឆ្ពោះទៅថ្ងៃអនាគតជាទីក្រុងសិល្បៈ តន្ត្រីនិងការតភ្ជាប់សហគមន៍

AirAsia Cambodia បើកសម្ពោធជើងហោះហើរត្រង់ ពីទីក្រុងភ្នំពេញឆ្ពោះទៅកាន់ទីក្រុងហូជីមិញក្នុងតម្លៃសំបុត្រដ៏អស្ចារ្យ ចាប់ពី 74 USD តែប៉ុណ្ណោះ

៣នាក់ឪ-កូន លេងស្ដាយប្លែកៗ អមជាមួយបទកំពុងល្បី ត្រូវអ្នកគាំទ្រធ្លោយមាត់ថា “IDOL ព្រាប សុវត្ថិ ខ្ញុំមកវិញហើយ!”