ពលរដ្ឋខេត្តតាកែវ ជីកស្រះប្រទះឃាតករលាក់មុខក្នុងដីច្រើនទសវត្សរ៍
- 2018-04-25 10:49:30
- ចំនួនមតិ 0 | ចំនួនចែករំលែក 0
ពលរដ្ឋខេត្តតាកែវ ជីកស្រះប្រទះឃាតករលាក់មុខក្នុងដីច្រើនទសវត្សរ៍
ចន្លោះមិនឃើញ
មន្ត្រីជាន់ខ្ពស់មជ្ឈមណ្ឌលកំចាត់មីនកម្ពុជាហៅកាត់ថា CMAC ឲ្យដឹងថានៅថ្ងៃនេះថាមន្ត្រីជំនាញបានជីកយកគ្រាប់បែកទម្លាក់ពីយន្តហោះក្នុងសម័យសង្គ្រាមនៅខេត្តតាកែវ បន្ទាប់ពីពលរដ្ឋប្រទះឃើញពេលជីកស្រះ។
ឯកឧត្តម ហេង រតនា អគ្គនាយ CMAC សរសេរលើទំព័រហ្វេសប៊ុកនារសៀលនេះថាគ្រាប់បែកនេះជាប្រភេទគ្រាប់MK82 ទម្លាក់ពីយន្តហោះនៅក្នុងឃុំលាយបូរ ស្រុកត្រាំកក់ ខេត្តតាកែវ។ ឯកឧត្តមសរសេរបន្តថា៖ «ជីកស្រះទឹកប៉ះគ្រាប់បែក សំណាងណាស់ដែលក្បាលផ្ទុះនៅខាងក្បាលគ្រាប់បាក់ខូច តែខាងកន្ទុយនៅស្អាតអ៊ីចឹងហ្នង»។
គួរបញ្ជាក់ថាកម្ពុជានៅមានផ្ទៃដី១ ៩៧០គីឡូម៉ែត្រក្រឡាទៀតដែលសង្ស័យថាមានមីន និងសំណល់ជាតិផ្ទុះពីសង្គ្រាម ដែលត្រូវបោសសម្អាតចន្លោះពីឆ្នាំ២០១៨ ដល់ឆ្នាំ២០២៥ និងត្រូវចំណាយថវិកាប្រមាណ៤០៦លានដុល្លារអាមេរិក។ អ្នកស្លាប់ដោយសារមីន ឬសំណល់ជាតិផ្ទុះពីសង្គ្រាមផ្សេងទៀតបានធ្លាក់ចុះពី៤ ៣២០នាក់ក្នុងឆ្នាំ១៩៩៦ មកត្រឹម៥៨នាក់ក្នុងឆ្នាំ២០១៧។ នេះបើតាមរបាយការណ៍អាជ្ញាធរមីនចេញផ្សាយកាលពីដើមខែមេសា នេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
