ក្រុមហ៊ុនបច្ចេកវិទ្យានៅចិនផ្អើលរើសបុគ្គលិកស្រីស្អាត ដើម្បីបុគ្គលិកប្រុសៗ
- 2018-04-27 03:08:39
- ចំនួនមតិ 0 | ចំនួនចែករំលែក 0
ក្រុមហ៊ុនបច្ចេកវិទ្យានៅចិនផ្អើលរើសបុគ្គលិកស្រីស្អាត ដើម្បីបុគ្គលិកប្រុសៗ
ចន្លោះមិនឃើញ
ក្រុមហ៊ុនបច្ចេកវិទ្យានៅចិនកំពុងតែព្យាយាមអូសទាញបុគ្គលិកស្រីកាន់តែច្រើនជាងមុន។ ប៉ុន្តែមិនរកបុគ្គលិកស្រីដើម្បីមកធ្វើការខាងផ្នែកសរសេរកូដ, វិស្វករ (បច្ចេកវិទ្យា) ឬ អ្នកឌីហ្សាញនោះទេ។
ផ្ទុយទៅវិញ ក្រុមហ៊ុនមួយចំនួនបានរើសបុគ្គលិកដែលមានឈ្មោះមុខតំណែងថា "អ្នកលើកទឹកចិត្តដល់អ្នកសរសេរកម្មវិធី" ជាមុខតំណែងមួយដែលទទួលខុសត្រូវលើកិច្ចការដូចជា និយាយគ្នាជាមួយបុគ្គលិកប្រុស, ទិញអាហារពេលព្រឹកឲ្យពួកគេ និង ម៉ាស្សាឲ្យបុគ្គលិកប្រុសទៀតផង។
យ៉ាងហោចណាស់មានក្រុមហ៊ុនបច្ចេកវិទ្យាចំនួន ៧ កំពុងរើសបុគ្គលិក ជា "អ្នកលើកទឹកចិត្តដល់អ្នកសរសេរកម្មវិធី" នេះ ក្នុងនោះរួមមានក្រុមហ៊ុន Alibaba ផងដែរ។ យ៉ាងណាក្ដីចំនួនក្រុមហ៊ុនដែលជ្រើសរើសអ្នកកាន់មុខតំណែងនេះ បានថយចុះ ក្រោយពីមានការប្រតិកម្មបែបអវិជ្ជមានជាខ្លាំង ពីសំណាក់ប្រជាជនចិន។
Shen Yue ជាអ្នកលើកទឹកចិត្តដល់អ្នកសរសេរកម្មវិធី មួយរួបនៅក្រុមហ៊ុន Chainfin បានប្រាប់ដល់សារព័ត៌មាន The Times ថា បុគ្គលិកប្រុសៗតែងតែរៀបរាប់នូវរឿងកង្វល់នៃការងារដល់នាងជាញឹកញាប់។ ពេលខ្លះ Shen Yue ក៏ត្រូវម៉ាស្សាឲ្យបុគ្គលិកប្រុសៗដើម្បីកាត់បន្ថយភាពស្រ្តេសផងដែរ។
ចំពោះតម្រូវការនៃមុខតំណែងនេះ មេផ្នែកធនធានមនុស្សនៅក្រុមហ៊ុន Chainfin បានប្រាប់ថាមានដូចជា ត្រូវមានអត្តចរិតរួសរាយ, ត្រូវចេះតែងខ្លួន, កម្ពស់ចាប់ពី ១៥៧ ស.ម និងមានទម្រង់មុខដែលអាចទទួលយកបាន។ បន្ថែមពីនេះ ប្រាក់ខែដែលគេអាចទទួលបានជាប្រចាំគឺប្រមាណ ៩៥០ ដុល្លារ/មួយខែ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
