Liverpool និង​​ Real Madrid ត្រូវ​ប្រឈម​មុខ​ដាក់​គ្នា​សម្រាប់​វគ្គ​ផ្ដាច់ព្រ័ត្រ​ UEFA Champions League ឆ្នាំ​២០១៨ ដែល​ការ​ប្រកួត​នឹង​ធ្វើ​ឡើង​ថ្ងៃ​ទី​២៧​ ខែ​ឧសភា​លើ​ទឹកដី​នៃ​ប្រទេស​អ៊ុយក្រែន។​

នេះ​​ជា​ការ​ប៉ះ​គ្នា​លើក​ទី​៦​របស់​ក្រុម​ខ្លាំង​ទាំង​ពីរ​ ​បើ​លើ​កំណត់ត្រា​ប៉ះ​គ្នា​មុន​ៗ (Head to head) Liverpool មាន​តែម​ជាង​ Real បន្តិច។​ ជំនួប​ពាន​ទ្វីប​អឺរ៉ុប​លើក​ដំបូង​បំផុត​គឺ​ក្នុង​ឆ្នាំ​ ១៩៨១​ ជា​ការ​ប្រកួត​វគ្គ​ផ្ដាច់ព្រ័ត្រ​ European Cup ឬ​ Champions League ហើយ​កាល​ណោះ​ Alan Kennedy បាន​ស៊ុត​ឲ្យ​ហង្ស​ក្រហម​ឈ្នះ​ ១-០ ​លើក​ពាន​លើក​ទី​៣។​ ​

លុះ​​រដូវ​កាល​២០០៨/២០០៩​ ពួកគេ​ប៉ះ​គ្នា​នៅ​វគ្គ​១៦​ក្រុម​ចុងក្រោយ​ Champions League ហើយ​ជើង​ទី​១​ Liverpool បាន​យក​ឈ្នះ​ ១-០ នៅ​កីឡដ្ឋាន Santiago Bernabeu និង​បន្ត​បំបាក់​ Real Madrid ៤-០ នៅ Anfield។

ចុង​ក្រោយ​បំផុត​នៅ​រដូវ​កាល​ ២០១៤/១៥ Real Madrid សងសឹក​បាន​វិញ​ដោយ​បំបាក់​ Liverpool ៣-០ ក្រៅ​ដី​ និង​ ១-០ នៅ​ទឹកដី​របស់​ខ្លួន។​ សរុប​មក​ប៉ះ​គ្នា​ ៥​លើក​ Real ឈ្នះ​ ២ Liverpool ឈ្នះ​៣​ដង។ ចាំ​មើល​ការ​ប្រកួត​លើក​ទី​៦​ នៅ​ចុង​ខែ​ឧសភា​ខាង​មុខ​នេះ​តើ​ក្រុម​ណា​ជា​អ្នក​ឈ្នះ?

ប្រភព៖ Wikipedia   អត្ថបទ៖ វិរ័ត្ន