ភ្នាក់ងារ​វិភាគ​ Sensor Tower បាន​បញ្ចេញ​តួ​លេខ​ថ្មី​ បង្ហាញ​អំពី​កម្មវិធី​ iPhone ទាំង​ ១០ មាន​អ្នក​ទាញ​យក​ច្រើន​ជាង​គេ​ នៅ​ត្រីមាស​ដំបូង​នៃ​ឆ្នាំ​ ២០១៨ នេះ។ កម្មវិធី​ទាំង​ ១០ មាន​កម្មវិធី​ខ្លះ​ ដែល​អ្នក​ប្រើ​ iPhone បែប​មិន​ស្គាល់ ៖

​១០. Google Maps

កម្មវិធី​ផែនទី​របស់​ Google មួយ​នេះ​ ប៉ាន់​ស្មាន​ថា​ត្រូវ​បាន​គេ​ទាញ​យក​ ២២,៤ លាន​ដង ។

៩. iQiyi

ជា​កម្មវិធី​​របស់​ក្រុមហ៊ុន​ចិន​ Baidu ដែល​មាន​លក្ខណៈ​ស្រដៀង​​ទៅ​នឹង​ YouTube ដែរ។ អំឡុង​ត្រីមាស​ដំបូង​នេះ គេ​ប៉ាន់​ស្មាន​ថា​កម្មវិធី​ iQiyi មាន​អ្នក​ទាញ​យក​ ២២,៦ លាន​ដង ។

៩. QQ

កម្មវិធី​ QQ ជា​កម្មវិធី​ពេញ​និយម​នៅ​ប្រទេស​ចិន​ ដែល​មាន​លក្ខណៈ​ស្រដៀង​គ្នា​នឹង​កម្មវិធី​ Facebook Messenger ហើយ​មាន​ការ​ប៉ាន់​ស្មាន​ថា​ត្រូវ​បាន​គេ​ទាញ​យក​ ២២,៦ លាន​ដង ។

៧. WeChat

កម្មវិធី​ WeChat របស់​ក្រុមហ៊ុន​ចិន​ Tencent ក៏​ស្ថិត​នៅ​ក្នុង​បញ្ជី​កំពូល​ ដែល​មាន​អ្នក​ទាញ​យក​ប្រហែល​ ២៨,៩ លាន​ដង ។

៦. Facebook

ត្បិត​ទទួល​រង​រឿង​អាស្រូវ​ច្រើន​មួយ​រយៈ​ចុង​ក្រោយ​នេះ​ ប៉ុន្តែ​កម្មវិធី​បណ្ដាញ​សង្គម​នេះ​ត្រូវ​បាន​អ្នក​ប្រើ​ iPhone ទាញ​យក​ប្រហែល​ ២៩,៤ លាន​ដង។

៥. Instagram

៣ ខែ​ដំបូង​ ឆ្នាំ​ ២០១៨ កម្មវិធី​ Instagram ត្រូវ​បាន​គេ​ទាញ​យក​ប្រហែល​ ៣១ លាន​ដង។

៤. Messenger

មាន​ការ​ប៉ាន់​ស្មាន​ថា​កម្មវិធី​ផ្ញើ​សារ​នេះ​ត្រូវ​បាន​គេ​ទាញ​យក​ ៣១,៣ លាន​ដង។

៣. WhatsApp

កម្មវិធី​ផ្ញើ​សារ​ដែល​ Facebook បាន​ទិញ​នៅ​ឆ្នាំ​ ២០១៤ មួយ​នេះ ត្រូវ​បាន​គេ​ទាញ​យក​ប្រហែល​ ៣៣,៨ លាន​ដង។

២. YouTube

អ្នក​ប្រើ​ iPhone បាន​ទាញ​យក​ YouTube ប្រហែល​ ៣៥,៣ លាន​ដង​ នៅ​ត្រីមាស​ដំបូង​នៃ​ឆ្នាំ​ ២០១៨ នេះ។

១. Tik Tok

Tik Tok ត្រូវ​បាន​គេ​ស្គាល់​ឈ្មោះ​ថា​ជា​កម្មវិធី​ Douyin នៅ​ប្រទេស​ចិន​ ជា​​កម្មវិធី​បណ្ដាញ​សង្គម និង​កម្មវិធី​ទស្សនា​វីដេអូ ដែល​អាច​ឲ្យ​អ្នក​ប្រើ​ថត​វីដេអូ​ និង​កែ​វីដេអូ​នោះ​ទៅ​ជា​ស្ទីល​ប្លែកៗ។ ត្រីមាស​ដំបូង​នេះ​ Tik Tok ត្រូវ​បាន​គេ​ទាញ​យក​ប្រហែល​ ៤៥,៨ លាន​ដង​ ឯណោះ៕​

ប្រភព៖ Businessinsider   ប្រែ​សម្រួល៖ សុខហេង